Liria e fjalës nuk i duhet mohuar askujt, teoritë e konspiracionit ama duhen kontrolluar mirë përpara se të citohen. Thënë kjo çipat 5G ende nuk janë të vegjël mjaftueshëm sa të kalojnë nga maja e një gjilpëre, Neuralink i Elon Musk ama synon që realisht të krijojë një lidhje mes neuroneve të trurit dhe gjuhës kompiuterike.
Kompania e themeluar që në 2016 nga CEO i Tesla dhe SpaceX ka për qëllim krijimin e një proçesori i cili do të montohet menjëherë në tru dhe krijimin e një ndërfaqje për mundësuar komunikimin mes dy njësive.
Fushat ku mund të përdoret janë të shumta, kryesisht ato mjeksore, Elon Musk ka shpjeguar ndër intervista se aparati mund të ndihmojë personat me probleme të kujtesës, skizofrenisë, depresionit e madje edhe autizmin.Ekspertët janë skeptikë për këtë të fundit por të tjerat janë të testueshme në fund të fundit çdo material i ruajtur në tru është thjesht një sekuencë sinjalesh elektrike.
Gjatë viteve Musk ka qenë i kursyer sa i përket avancimeve të kompanisë, kësaj radhe ka zgjedhur Twitterin e tij me 37 milion ndjekës për të ftuar “këdo që ka zgjidhur probleme të vështira me telefona, teknologji të veshëshme (mbyllje, proçesim sinjali, karikim me induksion, menaxhim energjie, etj) ju lutem konsideroni të punoni për engeneering@neuraling.com“
If you’ve solved hard problems with phones / wearables (sealing, signal processing, inductive charging, power mgmt, etc), please consider working at engineering@neuralink.com
— Elon Musk (@elonmusk) July 18, 2020
Ndërsa pyetjes së një ndjekësi nëse do të dëgjojmë dot muzikë direkt nga proçesori, Elon Musk është përgjigjur me po.
Ideja duket mjaft e çuditshme, tek e fundit teknologjia e dëgjimit me kockat e kokës zbatohet që tani tek produkte të përditshme.
Por Matrix dhe dekada skenare të Hollywoodit na kanë treguar se sa fare kollaj këto teknologji mund të marrin drejtimin e gabuar.
