Konkurrenca nuk ka vdekur ende, teksa shohim se akoma ka platforma më pak popullore që sfidojnë gjigandë si Google.
Lajmit të gëzueshëm të mbërritjes së Spotify edhe në Shqipëri i shtohet fakti se aplikacioni tashmë do të sjellë edhe video. Dhe përpara se të shkosh të kërkosh klipin më të fundit të Mozzikut, ndalu, e para ndërro repertor e dyta opsioni do të jetë ekskluzivitet i podcast-eve.
Në mungesë të një termi në gjuhën tonë, një podcast është versioni i internetit i një emisioni radiofonik, i cili ka në thelb fjalën dhe diskutimin. Dhe Spotify është plot me to, miliona të tilla, talk show, reagime, dokumentare, radio drama etj.
Por asgjë nuk i ka ndaluar kurrë autorët që ta regjistrojnë materialin njëkohësisht edhe në video për ta ngarkuar e monetizuar edhe në YouTube. Dhe meqë jemi këtu edhe YT është plot e përplot me to.
Një listë e zgjedhur podcast-erësh do të kenë mundësinë që fillimisht të ngarkojnë edhe videon e plotë, duke pasur edhe më shumë fonte. Ndërkohë që merkatoja mes platformave ka ecur mirë pasi Spotify sapo ia ka dalë të firmosë një kontratë ekskluziviteti me Joe Rogan, podcasterin më të ndjekur të YouTube.
Kompania e shpalli këtë lajm ditën e sotme, duke thëne se për të gjithë përdoruesit që kanë akses tek podcastet, jo vetëm do ti dëgjojnë por tashme edhe ti shohin emisionet e tyre të preferuar, në web dhe në aplikacion. Tek kjo e fundit ndër të tjera, nëse dëshiron ta mbyllësh ekranin e të rikthehesh tek eksperienca e vjetër Spotify, mund ta bësh, po pikërisht kështu audio në background vazhdon, 2 me 0 për Spotify.
Emisionet e para që do të fillojnë ngarkimin e videove janë: Book of Basketball 2.0, Fantasy Footballers, The Misfits Podcast, H3 Podcast, The Morning Toast, Higher Learning with Van Lathan & Rachel Lindsay, dhe The Rooster Teeth Podcast.
