Nga gjenerata në gjeneratë smartphonët bëhen më të mirë në përgjithësi, por mbetet ende një teknologji e cila ka ngelur pothuaj e pandryshuar; bateria.
Sigurisht mund ta karikojmë më shpejtë, por përbërja është e njëjtë , ndaj edhe jetëgjatësia e saj mbetet gati gati njësoj. Derisa të krijojmë substancën e radhës, do të merremi me teknologjitë që përfitojnë nga ky burim, duke u kujdesur për menaxhimin e energjisë.
Dhe kjo është pikërisht arma sekrete e Galaxy Note 20, e cila do të sjellë për herë të parë ekranet LTPO. Targeti i cilësisë vazhdon të mbetet 120Hz, si sfida e përgjithshme mes smartphonëve, e cila në këmbim të rezolucionit të lartë e konsumon baterinë më shpejtë.
Low-temperature Polycystalline oxide arrin të ndryshojë dinamikisht dhe fare lehtë raportin e rifreskimit nga 60Hz në 120Hz në mënyrë automatike. Çka i lejon smartphonit të ketë maksimumin kur i nevojitet dhe minimumin atëhere kur rezolucioni nuk ka pse të jetë në majat më të larta. Dhe e gjithë kjo pa shtuar asnjë aparat shtesë mes njësisë së proçesimit grafik dhe kontrolluesit të ekranit.
Duke i kursyer kështu baterisë lodhjet e tepërta dhe duke pretenduar jetëgjatësi më të madhe.
Në fakt ishte Apple ajo që e krijoi këtë teknologji, teksa e prezantoi tek Apple Watch Series 5, çka lejonte kalimin nga 60Hz në 1Hz. Kujtojmë që iPhone 11 nuk ka as 120Hz, dhe pavarsisht se kjo do të ndryshojë me iPhone 12 sipas zërave ndryshimi dinamik midis raporteve nuk do të jetë pjesë e serisë.
Këto të fundit mbeten zëra sigurisht, por nëse rezultojnë të vërteta atëherë Samsung do të ketë një avantazh goxha të madh ndaj Apple.
Samsung ka treguar të jetë vërtetë kokfortë në teknologjinë e ekraneve, që nga anët e harkuara të S6 Edge, Infinity-O të S10 apo Galaxy Fold.
LTPO pretendon të përmirësojë me 20-30% shëndetin e baterisë, nuk e dimë nëse do të rezultojë me të vërtetë e suksesshme, por Koreanët kanë treguar se për hir të avancimit nuk kanë frikë të eksperimentojnë e të marrin rreziqe, ndaj edhe kësaj radhe jemi më se entuziastë.
