Pale sa herë na ndodh të krijojmë llogari në pafund aplikacione, dhe pavarsisht përdorimit ndodh që ti ngatërrosh apo edhe më keq ti harrosh fjalëkalimet.
Dhe pikërisht këtë lëmsh synon të zgjidhë One Tap nga Google.
Aktualisht kur duhet të përpilosh të dhënat apo kredencialet për tu futur në një llogari në smartphonin tënd, Android ofron mundësinë e mbushjes automatike, opsioni i ri pretendon ta çojë më lart këtë.
One Tap do të ruajë të ruajë kredencialet e tua për çdo llogari apo aplikacion që dëshiron dhe do të të lejojë të logohesh me një të prekur, pa u shqetësuar fare për kode, username apo email.
Kjo jo vetëm për llogari të krijuara më parë por edhe për regjistrimet e reja.
Sigurisht që mund të vazhdosh ta bësh në mënyrë të pavarur me cilëndo llogari dëshiron, por përderisa je log-uar njëherë në Android, vetë sistemi ofrohet ta bëjë për ty.
Për të ruajtur sigurinë e informacioneve të tua, Google ka zhvilluar një sistem të quajtur Block Store, i cili lejon aplikacionet apo shërbimet third-party të krijojnë një “tollon” të lidhur me llogarinë tënde dhe ta përdorë atë për sign in në vend që të përdorë kredenciale.
Shqetësimi kryesor ka të bëjë sigurisht me faktin se nëse llogaria jote e Google hackohet atëhere fitohet akses tek gjithçka ke të regjistruar në të. Shqetësim me vend sigurisht por kompania është forcuar mjaft këto vite ndaj nëse mundesh ti besosh fotot e tua personale Androidit tënd kredencialet po ashtu mundesh.
Por nëse përdor shumë aplikacione njëkohësisht dhe të duhet një mënyrë e shpejtë për tu futur në to, One Tap është zgjidhje.
