Në 2 Prill 2019 Google zgjodhi të zbresë nga treni i rrjeteve sociale duke mbyllur Google+.
Arsyeja mbetet sigurisht interesi i ulët nga ana e komunitetit. Le ta pranojmë, gjatë periudhës së artë të Facebook, të kishe Google+ ishe i çuditshmi/ja e grupit.
Por ama një version G Suite për komunikime ndërmarrjesh vazhdon të ekzistojë dhe mesa duket interesi për këtë funksion është aktiv.
Google Currents do të lançohet më në fund në 6 Korrik, si një rrjet social vetëm për marrdhënie pune.
Kështu ka deklaruar kompania në një email për administratorët G Suite.
Përdoruesit ekzistentë Google+ do të transferohen në “një pamje dhe ndjesi të përditësuar” dhe do të përfitojnë nga “opsione shtesë” përfshi moderim kontenti dhe privilegje administrative.
Versioni beta i disa muajve ka shërbyer si një vend për tu “Angazhuar me punonjësit. Për të pasur diskutime frytdhënëse. Qëndrojmë Aktual (Current) sëbashku.“
Ndërfaqja dhe eksperienca është kryesisht e pandryshuar, materiali në kryefaqje organizohet sipas lidhjes apo kronologjisë, ndërsa postimet nga eprorët mund të marrin prioritet. Tekstet, linqet, imazhet dhe materiale të tjera nga Drive mund të ndahen lehtësisht.
Po, sikur të mos mjaftonte grupi në WhatsApp, do kesh një rrjet social tërësisht të dedikuar punës.
