Samsung prezanton Odyssey G7, ekranin e lakuar të dedikuar për gaming

Sa fantastike është të shijosh lojën tënde të preferuar në një ekran të lakuar i shoqëruar me karakteristikat më të mira të momentit? Samsung sapo na ka prezantuar me Odyssey G7, të zbuluar në CES2020 dhe që nga sot është në të gjitha tregjet botërore.

Cilat janë të veçantat e Odyssey G7?

Ekrani G7 është monitori i parë i lojrave 1000R në botë, që do të thotë se krenohet me një rreze lakimi 1.000 milimetra. Ai gjithashtu përmban një kombinim të fuqishëm të veçorive të ndryshme, duke përfshirë kohën e shpejtë të përgjigjes 1ms me shpejtësinë e rifreskimit 240Hz dhe cilësinë e figurës kristal të qartë QLED për të kënaqur nevojën e lojtarëve për lojë të qetë dhe tërheqëse.

Performanca premium e portofolit të Odyssey është çertifikuar nga TÜV Rheinland, një organizatë udhëheqëse ndërkombëtare e çertifikimit, e cila njohu monitorët si më të mirët e industrisë me ekranin e lakuar dhe performancë të lartë 1000R dhe çertifikatën ‘Eye Comfort’.

G7 në 27- dhe 32-inç jep një rifreskim të shpejtë 240Hz, kohë përgjigjeje 1ms dhe lakim të thellë 1000R, duke i dhënë lojërave një avantazh inovativ. Lojtarët gjithashtu mund të përfitojnë nga Wide Quad-High Definition (WQHD; rezolucion 1.460 × 1,440), raporti 16: 9, shkëlqim maksimal 600 cd/m2 dhe teknologjia Quantum Dot për prezantim jashtëzakonisht të saktë të ngjyrave, pavarësisht nga ndriçimi.

Samsung gjithashtu përfshiu elemente të dizajnit futurist bazuar në vëzhgimin e tendencave të tregut dhe reagimet e mbledhura nga konsumatorët. Ngjyra e zezë mat është kombinuar me një sistem ndriçimi që ndryshon ngjyrat në pjesën e pasme që mund të mbetet statik ose i zbehtë gjatë lojës, si dhe të ndryshojë ngjyrat bazuar në preferencat e lojtarit.

Ekrani më i fundit i lakuar i lojrave nga Samsung, G7, gjithashtu mbështet NVIDIA G-SYNC® Compatibility dhe Adaptive Sync në DP1.4, duke u ofruar lojtarëve lojëra jashtëzakonisht dinamike dhe të rrjedhshme gjatë çdo skenari.

Për më shumë informacion, vizitoni https://displaysolutions.samsung.com/monitor/odyssey