Që të dëgjoje thirrje për faqe apo aplikacione të dëmshme është më se normale, ama një post viral që lajmëron për një wallpaper të dëmshëm, këtë nuk e kishim dëgjuar.
Ice Universe, një leaker informacioni ka postuar një një foto së bashku me një lajmërim për të mos e instaluar atë imazh si wallpaper në Androidin tënd, sidomos nëse ke Samsung apo Pixel, pasi telefoni do të ngecë, dhe to të bëjë restart vazhdimisht dhe e vetmja mënyrë për ta rregulluar është formatimi.
Imazhi në pamje është krejtësisht i pafajshëm, qiell me re, ujra të qetë dhe mund ta shohësh krejt normalisht në galeri, por nëse e vë si sfond smartphoni çmendet.
Mesa duket fotoja nuk është krijuar për qëllime të këqija, problemi ka të bëjë me mënyrën se si Android sillet me paletën e ngjyrave.
WARNING！！！
Never set this picture as wallpaper, especially for Samsung mobile phone users!
It will cause your phone to crash!
Don’t try it!
If someone sends you this picture, please ignore it. pic.twitter.com/rVbozJdhkL— Ice universe (@UniverseIce) May 31, 2020
Imazhi duket se është krijuar duke përdorur një paletë ngjyrash RGB për ti shfaqur ato, ndërsa Android 10 përdor një protokoll sRGB dhe kur sistemi operativ nuk e riprodhon dot këtë imazh Adobe RGB, thyhet.
Ndaj nëse provon ta ndezësh përsëri, sfondi i caktuar do ripërsërisë thyerjen e sistemit. Prova për ta rregulluar problemin duke hyrë ne Safe Mode nuk kanë rezultuar të suksesshme.
Problemi është ndeshur në aparate nga Google, Samsung, OnePlus dhe Nokia të cilat kanë Android 10.
Përndryshe imazhi mund të instalohet pa problem në një Pixel 4XL me Android 11.
Formati sRGB standart Red Green Blue (E kuqe, jeshile, blu standarte) u krijua në 1996 për të kodifikuar një spektër ngjyrash që të shfaqeshin njësoj në monitorë, printera dhe Internet. Dy vjet më vonë, Photoshop lindi dhe pak më pas specifikat e veta RGB lindën.
Riprodhimi i saktë i të dyja versioneve nga software të ndryshëm zakonisht sjell të tilla probleme.
Por njerëzimi nuk rresht kurrë së surprizuari, dhe në fakt ka ndodhur ajo që pritej, në vend që ta dëgjonin këshillën shumë njerëz kanë bërë krejt të kundërtën.
Shumë përdorues raportojnë se u është dashur të riformatojnë smartphonin e tyre duke humbur të gjitha të dhënat, vetëm e vetëm ngaqë për ta besuar donin ta shihnin me sytë e tyre.
