Lajmi i gëzueshëm që Valorant do të vijë më herët se ç’ishte parashikuar merr edhe më shumë entuziazëm pasi në 2 qershor krahas eventit të lançimit do të ketë edhe një tournament.
Riot Games dhe Twitch bashkpunojnë për të sjellë Twitch Rivals: Valorant Launch Showdown, me një shifër çmimesh deri në $200,000.
Datat nuk janë konfirmuar ende por gjithçka do të ndodhë gjatë fundjavës hapëse.
Të gjitha rajonet kryesore Amerika e Veriut, Brazili, Europa, Korea dhe Japonia do të kenë tournamentet e tyre, ku secila do të kurorëzojë fituesit e vet.
E gjithë kjo lëvizje na jep një ide për planet që distributori ka për Valorant. Një titull me kaq shumë zhurmë rreth e rrotull nuk ka se si të mos shfrytëzohet në maksimum. Beta ka treguar që është një super-eksperiencë, a do të jetë kjo krye-loja që do të mbizotërojë të gjitha të tjerat?
Mbetet për t’u parë.
