Zanafilla e SpaceX ka të bëjë me një njeri i cili pati një qëllim të vetëm në kokë: eksplorimi i hapësirës.
Elon Musk dhe fëmija i tij SpaceX afrohen një hap më shumë drejt ofrimit të udhëtimeve turistike në hapësirë e më pas transportin drejt Marsit.
Prej 2011 NASA nxorri në pension anijet e saja kozmike dhe për të çuar njerëz në stacionin hapësinor ndërkombëtar përdorte kapsula Ruse Soyuz të cilat niseshin nga Kazakistani.
9 vjet më vonë njeriu i cili premtoi të përgjysmojë kostot e qarkullimit hapësinor si dhe ripërdorimin e raketave, ofron Crew Dragon ku veteranët Bob Behnken dhe Doug Hurley do të akomodohen për një fluturim prej 19 orësh nga pista historike Launch Pad 39A në Kennedy Space Center drejt ISS.
Nisja do të bëhet ditën e sotme 27 maj ora 22:30 dhe do të transmetohet në një stream të përbashkët mes Nasa dhe SpaceX.
Ky fluturim do të jetë vendimarrës edhe për SpaceX pasi kjo do t’i japë NASA-s të dhëna ekzakte për çertifikimin e kompanisë private në efikasitetin e raketës Falcon 9, operacionet në orbitë, ulje-ngritjet dhe verifikimin e shërbimit nga kompania e Musk për transportin komercial për astronauntë dhe jo vetëm.
Me pak fjalë nëse ky udhëtim përfundon me sukses, turizmi hapësinor hyn në një fazë të re.
Ndiqe këtu videon live në orën 21:15:
