Ndërsa shqiptarët duhet të negociojnë me gjithë familjen nëse duan të shohin një film streaming dhe një lojë online njëkohësisht, Australia shënon rekorde të paimagjinueshme të shpejtësisë së internetit.
Studiues nga Monash, Swiburne dhe universitetet RMIT arritën të sjellin shpejtësinë më të lartë në botë ndonjëherë duke shënuar 44.2 Tbps (Terabit për sekondë).
Duke e bërë një milion herë më të shpejtë se gjendja komerciale e disponueshme në Australi e cila është mesatarisht 43.4Mbps. Kjo u arrit duke përdorur një çip optik “micro comb” i cili përmban qindra lazer infrared. Gjithashtu arritja u realizua duke përdorur infrastrukturën komunikuese ekzistente të vendit, pa nevojën e ndonjë infrastrukture speciale. Ndaj është krejt e kuptueshme nëse në të ardhmen do të përdorim të njëjtët kabuj e strukturë komunikimi për të rritur shpejtësinë pa qenë nevoja të mbingarkojmë gjithë sistemin.
Dr. Bill Corcoran nga Universiteti Monash thotë se: “jemi në mes të një gare botërore për momentin, për ta sjellë tek konsumatori këtë teknologji, kjo pasi çipi mikro-krëhër është i përshtatshëm për një sërë teknologjish tashmë ekzistente.”
Gjithashtu ai mendon se teknologjia do të ketë disponueshmëri konsumatore në të paktën 5 vjet: ” mendoj se aparate si ky do t’i shohim gjithnjë e më shpesh nëpër laboratorë të ndryshëm brenda dy apo tre vjetëve dhe përdorim komercial fillestar brenda 5 vjetësh.“