Pavarsisht se për cilën bëjmë tifo gjenerata e ardhshme e konsoleve do të jetë super e fuqishme, dhe fiks në kohë për të shfrytëzuar më së miri këtë kapacitet Epic Games paraqet përpara botës Unreal Engine 5.
Qëllimi i Epic këtë herë është të arrijë fotorealizëm, në nivelet e CGI dhe jetës reale.
Për ta shfaqur më mirë konceptin e tyre skuadra vendosi të tregojë një demo të një loje në PS5, dhe rezultatet janë vërtet mahnitëse:
Shefi i departamentit të teknologjisë së Epic Games Kim Libreri thotë se UE5 do të jetë një kapërcim mbi kapërcimin kuantik që konsolet e reja do të sjellin.
Dy janë teknologjitë kryesore që e bëjnë UE5 të jetë një përmirësim gjigand: ndriçimi global dinamik Lumen dhe gjeometri e virtualizuar saktë Nanite.
Nanite është një mjet që do të virtualizojë gjeometrinë, çka do të thotë se do të gjenerojë automatikisht “aq detaje gjeometrike sa mund të shohë syri i njeriut” thotë kompania, dhe do ti lejojë zhvilluesit të diversifikojnë relievet pafundësisht. Çka përkthehet në miliona trekëndësha më shumë, e cila vetë do të thotë format më të sakta të para ndonjëherë, nga paraqitja e lojtarit apo saktësisë në natyralitet të të lëvizurit të tij, por edhe të ambientit që e rrethon.
Ndërsa me Lumen artistët mund të krijojnë skena më dinamike, si ndërrimi i këndit të diellit në një orë të ditës, ndezja e një elektriku dore, apo një vrimë në tavan dhe reagimi i ambientit të errët. Ndriçim shumë herë më korrekt dh më reagues.
Unreal Engine 5 do të arrijë në 2021 për të gjitha platformat PlayStation Xbox, Mac, iOS, PC, dhe Android.
CEO i Epic Tim Sweeny thotë se motorri do të përdoret gjithashtu për të krijuar lojra cross-platform fantastike.
E ardhmja duket e bukur.
