Lenovo po përgatitet të rikthehet në tregun e telefonave gaming me një model të ri nga seria Legion, pas një pauze 4-vjeçare. Telefoni i fundit i kësaj linje ishte Legion Y70, i prezantuar në vitin 2022 me procesorin Snapdragon 8+ Gen 1, i cili në atë kohë konkurronte me modele të fuqishme si Asus ROG Phone 6 dhe RedMagic 7S. Megjithatë, pas atij modeli, Lenovo nuk solli një pasardhës të drejtpërdrejtë për këtë kategori.
Tani kompania ka konfirmuar zyrtarisht se një telefon i ri Legion do të prezantohet së shpejti, me një lançim të planifikuar për maj 2026. Edhe pse nuk janë zbuluar shumë detaje teknike, ky njoftim nuk erdhi si surprizë e madhe, pasi një pajisje e pa publikuar më parë u shfaq në publik gjatë një eventi në Kinë në mars 2026.
ⓘ Lenovo
Fotot e para të këtij telefoni tregojnë një dizajn të njohur, i cili ngjan shumë me atë të Motorola Edge 70, sidomos në pjesën e pasme dhe në modulit e kamerës. Megjithatë, pajisja mban një stil të veçantë përmes ngjyrës së saj dhe logos së dukshme Legion, duke e diferencuar nga modelet e tjera.
Lenovo ka premtuar se telefoni i ri do të ofrojë një përvojë më të qetë dhe më të këndshme për lojërat mobile, çka sugjeron përmirësime në performancë dhe optimizim. Edhe pse procesori nuk është konfirmuar ende, pritet që pajisja të përdorë Snapdragon 8 Elite Gen 5, një çip i fuqishëm që do ta vendoste atë në konkurrencë të drejtpërdrejtë me pajisje të avancuara si RedMagic 11 Pro.
