Galaxy Note 20 ndoshta nuk do të vijë me një sensor time-of-flight, gje e cila do të ndikojë negativisht në performancën e kamerës dhe opsionet AR.
Vendimi mund të ketë ardhur si pasojë e mungesës së interesit nga përdoruesit dhe përditësimeve softwarie-ike, raporti vjen nga Korea Industry Post.
Sensorët ToF nuk bëjnë foto por ndihmojnë në matjen e distancës nga smartphoni tek objektivi që po fotografon, duke përmirësuar cilësinë e efekteve në foto sidomos bokeh-style portrait mode, por edhe në funksionet AR. Sidoqoftë ky është një sensor i shtrenjtë funksioni i të cilit mund të arrihet me software.
Pritet nga ana tjetër nga Apple që të shtojë një sensor LIDAR tek iPhone 12 Pro ashtu siç pamë tek iPad Pro 2020.
LIDAR është e ngjashme me ToF por më e avancuar, e aftë për të lexuar dhe reaguar më shpejt me objektivin gjë që do të ndikojë edhe në cilësinë e shërbimeve AR.
Ky vendim do të ishte një lëvizje e gabuar për Samsung dhe cilësinë e fotove të tyre duke qenë se përgjithësisht janë mbrapa me Apple prej kohësh në këtë sektor. Megjithatë kjo do të ulte kostot e prodhimit të Note 20 duke mundësuar një çmim më të ulët si avantazh.
Ose nuk përjashtohet mundësia e përfshirjes së një opsioni tjetër më të kërkuar në treg.
Galaxy Note 20 mendohet se do të mbërrijë këtë gusht bashkë me Fold 2.
