Kinemaja dhe video lojrat takohen shpesh me njëra tjetrën, ama duhet që një produksion kinematografik të ketë gjeneruar shumë vëmendje në mënyrë që të marrë një titull video-game.
Dhe a ka ngelur njeri pa parë Peaky Blinders??
Me urdhër të Peaky Blinders më në fund do të kemi një video lojë ku të bëhemi pjesë e mendjes gjeniale të Thomas Shelby.
Kap beretën dhe merr lojën sepse titulli do jetë i disponueshëm për PS4, Xbox One, PC dhe Nintendo Switch.
Lajme për një lojë të tillë patën dalë që përpara një viti por tashmë kemi edhe pamjet e para se si do të jetë loja. Endemol në partneritet me Curve Digital dhe zhvilluesit FuturLab janë heronjtë që duhet të falenderojmë.
Peaky Blinders: Mastermind, do të lejojë të bëhesh pjesë në zgjidhjen e mistereve të komplikuara duke përdorur 6 anëtarët e familjes Shelby.
Secili prej tyre vjen me një arsenal të veçantë talentesh që mund të vihen në përdorim për strategjitë e nevojshme nga niveli në nivel.
Tommy do të jetë më kërcënuesi, Arthur gati për sherr dhe për të thyer dyer dhe John i aftë me armët dhe sherret. Polly është e aftë të korruptojë dhe të hapë kyça, Ada për të shpërqëndruar dhe Fin dinak dhe xhepist.
Loja do të mbërrijë këtë verë, ndaj nëse ndonjëri ka mëkatuar e ka ngelur pa e parë ka kohë mjaftueshëm.
By order of Peaky Blinders!
