Gjatë prezantimit të produkteve të reja në Mobile World Congress 2026, ku Geek Room ishte I pranishëm së bashku me Neptun për të informuar ndjekësit rreth të rejave më të fundit nga bota e teknologjisë, kompania TECNO organizoi një event ku prezantoi ekosistemin e saj të ri të pajisjeve me inteligjencë artificiale, duke theksuar vizionin “Pioneering the Connection of Intelligence”. Në këtë aktivitet u prezantuan disa produkte dhe partneritete të reja që synojnë të përmirësojnë integrimin e AI në jetën e përditshme të përdoruesve.
Lajmi kryesor ishte prezantimi global i serisë së re të smartphonëve TECNO CAMON 50 Series, një linjë flagship e fokusuar në fotografi dhe performancë të avancuar me inteligjencë artificiale. Sipas kompanisë, seria kombinon hardware profesional të kamerës me procesim të dedikuar AI për të ofruar një përvojë më inteligjente dhe kreative. Telefoni përdor motorin e ri të imazhit AI RAW 2.0, i cili përfshin funksione si AI Auto Zoom për gjetje automatike të subjektit dhe Super-Zoom FlashSnap që mundëson kapjen e objekteve në lëvizje edhe nga distanca.
Në aspektin e kamerës, pajisja përdor sensorin kryesor 50MP Sony LYTIA 700C për fotografi në dritë të ulët. Modelet më të avancuara, si Ultra 5G dhe Pro, përfshijnë gjithashtu një lente telefoto 50MP me zmadhim optik 3X dhe deri në AI 60X SuperZoom. Teknologjia e kompanisë për përpunimin e toneve të lëkurës është vlerësuar edhe nga organizata e analizës së kamerave DXOMARK, e cila theksoi se modeli CAMON 50 Ultra 5G ofron një paraqitje më natyrale dhe gjithëpërfshirëse të toneve të lëkurës, veçanërisht për një pajisje nën 600 dollarë.
Seria ofron edhe mjete të reja kreative me AI, si AI Art Gallery, AI Image-to-Video Generator dhe One-Tap FlashMemo, si dhe asistentin zanor të përditësuar Ella. Pajisjet fuqizohen nga procesori MediaTek Dimensity 7400 Ultimate dhe një bateri deri në 6500mAh, me rezistencë të lartë ndaj ujit dhe pluhurit.
Gjatë eventit, TECNO njoftoi gjithashtu një partneritet të ri me markën italiane të luksit Tonino Lamborghini, duke synuar të kombinojë teknologjinë moderne me dizajnin premium. Bashkëpunimi prezantoi disa produkte, përfshirë mini-PC gaming Tonino Lamborghini TECNO TAURUS (MEGA MINI G1 Pro) me procesor Intel Core i9‑13900HK dhe grafikë NVIDIA GeForce RTX 5060, si dhe telefonin special POVA Metal Tonino Lamborghini Limited Edition.
Kompania prezantoi gjithashtu konceptin e një ekosistemi të plotë AIoT që përfshin laptopë, tableta dhe pajisje të veshshme, duke synuar të krijojë një përvojë të integruar teknologjike për përdoruesit në të ardhmen.
