Mektrin, koncensionari më i madh në Shqipëri, ka marrë zyrtarisht përfaqësinë e Isuzu, marka e kamionave e njohur ndërkombëtarisht për qëndrueshmërinë dhe efikasitetin e motorëve dizel. Që nga dhjetori 2025, Isuzu Europe ka zgjedhur Mektrin si dealer të autorizuar, duke bërë të mundur që gama e plotë e kamioneve Isuzu të jetë tani e disponueshme dhe e mbështetur në mënyrë profesionale në tregun shqiptar dhe rajonal.
Isuzu, e themeluar në vitin 1916 dhe me emrin zyrtar të marrë në 1934 (sipas lumit Isuzu në Japoni), ka ndërtuar një reputacion të fortë si lider global në teknologjinë dizel. Marka është e njohur për jetëgjatësinë, efikasitetin në konsum karburanti, kostot e ulëta të mirëmbajtjes dhe raportin e shkëlqyer cilësi-cmim. Këto veçori e bëjnë Isuzu zgjedhjen e preferuar për biznese dhe flota që kërkojnë produktivitet, efikasitet dhe besueshmëri afatgjatë.
Gama e produkteve Isuzu që vjen në Mektrin përfshin modele të ndryshme sipas nevojave komerciale dhe industriale:
ISUZU D-MAX
Një pick-up robust dhe multifunksional, projektuar për punë të rënda dhe përdorim të përditshëm. Ky model ofrojn kapacitet të lartë ngarkese dhe tërheqjeje, ideal për bujqësi, ndërtim dhe shërbime teknike, me konfigurime 4×2 ose 4×4 dhe përshtaten lehtësisht me superstruktura të ndryshme.
ISUZU N-Series (M21/M29/M30)
Këto kamionë të lehtë janë ideal për transport të lehtë ose të mesëm. Perfekt për shpërndarje urbane dhe rajonale, me manovrim të shkëlqyer dhe konsum të ulët karburanti, të përshtatshëm për logjistikë dhe shërbime komunale. Platforma Cab-Chassis lejon instalimin e një game të gjerë superstrukturash sipas nevojës së klientit.
ISUZU F-Series (F10/F11/F12/F13/F14)
Kamionë medium-duty për aplikime industriale dhe transport mesatar me ngarkesa të rënda; të përshtatshëm për ndërtime, transport rajonal, shërbime publike dhe aplikime të specializuara si cisterna, betoniera apo kamione mbeturinash.
Si përfaqësues zyrtar, Mektrin do të ofrojë jo vetëm shitjen dhe shpërndarjen e mjeteve Isuzu, por edhe shërbim pas shitjes, mbështetje teknike dhe zgjidhje të personalizuara për flota dhe biznese. Falë përvojes 20-vjeçare, infrastrukturës së konsoliduar dhe stafit të kualifikuar, synimi i Mektrin është t’i sjelli klientëve komoditetin, besueshmërinë dhe vlerën afatgjatë që emri Isuzu përfaqëson.
Ky bashkëpunim përforcon angazhimin e Mektrin për të sjellë në Shqipëri marka me standarde të larta ndërkombëtare dhe për të ofruar zgjidhje praktike dhe të qëndrueshme për bizneset vendase. Për më shumë informacion mbi modelet dhe shërbimet, vizitoni showroom-et Mektrin ose kontaktoni ekipin e shitjeve dhe servisit.
