Apple sapo lançoi gjeneratën e dytë të iPhone SE. Një iPhone totalisht ndryshe nga familja, më i vogël, më i lirë por sidoqoftë me performancë të kënaqshme.
Pjesa më e rëndësishme e smartphonit ngelet proçesori, i njëjti i përdorur në 2019 tek linja 11, A13 Bionic i cili do të ndikojë goxha në cilësinë e fotove ndërsa pjesa tjetër ngelet një tufë me teknologji të vjetër e cila do të ofrohet për një çmim më të lirë.
Një ekran 4.7-inch LCD. Ka një buton në pjesën e poshtme të pajisur me TouchID, por sjell gjithashtu haptic touch, një opsion që imiton 3D Touch-in tashmë të eliminiuar në modelet e rinj.
Portrait mode, edhe pse vetëm tek njerzit dhe asgjë tjetër, do të jetë prezent sidoqoftë pavarsisht se smartphoni ka vetëm një lente, çka do të thotë se të gjitha efektet do të shtohen nga vetë software. Njëjtë si Pixel.
Software i kamerës do të ofrojë edhe Smart HDR, efekte ndriçimi studio, dhe balanca automatike.
Wireless charging do të jetë i përfshirë dhe madje fast charging edhe pse USB-C ngelet një ëndërr. Gjithashtu WiFi 6, dual-SIM, e-SIM dhe fast LTE.
Ndërsa për 5G duhet të presim gjeneratën e ardhshme.
SE do të ketë iOS 13 dhe pjesën tjetër të shërbimeve kur blen një iPhone të ri; 1 vit Apple TV falas, dhe platformën e lojrave Apple Arcade e cila do të kushtojë sidoqoftë $5 në muaj.
Do të kushtojë nga $399 për modelin bazë me 64GB memorie të brendshme, $449 për 128GB dhe $549 për 256GB.
Ngjyrat zyrtare janë White, Black dhe Product (RED), kjo e fundit do të kushtojë më shumë.
Porositë fillojnë në 17 Prill dhe dërgesat një javë më vonë.
Pavarsisht situatës së vështirë, planet e Apple vazhdojnë me produktet e reja të cilat ka ë hyrë në prodhim gati për të mbushur magazinat, çka vërteton edhe një herë fuqinë e kompanisë. Por nëse një iPhone i fundit do të ishte i tepërt në kushte të tilla ekonomike një iPhone SE 2020 me ekran 4.7-inch dhe performancë të linjës 11 nuk do të ishte ide e keqe.
