Ne nuk e dimë kush je por dimë që ke një smartphone, dhe brenda atij smartphone ke të paktën 2 aplikacione për photo editing. Ndoshta ka ca kohë që nuk po i përdor dhe po të zënë memorie kot por i ke.
32% e marketuesëve thonë se imazhet vizuale janë pjesa më e rëndësishme e kontentit për biznesin e tyre. Biznesmen, model apo thjesht për qejf ja ku është lista me aplikacione që sipas Geek Room u duhet dhënë një shans.
Snapseed
Nga filtrat deri tek veglat më të detajuara ky aplikacion nga Google sfidon edhe programe serioze desktop. Çudtitesh sa shumë mundësi të jep një programi i thjeshtë smartphone.
VSCO
I ngjashëm me Instagram, VSCO prej vitesh tashmë mban një pozicion goxha të lartë për filtrat e veçantë. Nëse je tip Tumblr-i dhe fotosh analog ky app është për ty.
Adobe Photoshop Fix
Fix nuk është i duhuri për filtra, në vend të kësaj ofron mundësi profesionale për të rregulluar aspekte dhe detaje të padëshiruara të fotos tënde. I këshilluar sidomos për portrete.
Adobe Photoshop Express
Duke marrë nga aplikacioni i desktop, Expres mundohet të të ofrojë sa më shumë opsione të jetë e mundur nga eksperienca profesionale. Dhe të gjithën këtë lehtësisht nga ekrani i një smartphone.
Adobe Photoshop Lightroom CC
Nëse do të jesh edhe më profesional atëherë shkarko Lightroom dhe futju punës. I aftë të bëjë detyra të vështira, përdoret zakonisht nga mjeshtra të cilët dinë çbëjnë dhe u duhet të bëjnë rregullime të shpejta.
Picsart
Ky është më shumë një app për ti dhënë jetë fotove. Filtrat dhe kolazhet janë baza por mund të shtosh pafund stickers dhe fonte. Shumë i mirë për meme dhe GIFs. Mund të modifikosh edhe video gjithashtu.
Inshot
Inshot të jep gjithë eksperiencën e mësipërme. Nga përpunimi në dimensione të fotove deri tek filtrat dhe efektet, por nga ana tjetër është edhe një super fuqi editimi videosh. Montazhi, shkurtimi, muzika tekstet dhe shumë të tjerë brenda një ekrani të vogël.
Facetune
Pavarësisht avancimeve, kamerat për selfie duket se zakonisht lihen pas dore dhe jo çdokush ka para për të blerë Galaxy apo iPhone e fundit. Facetune është një app me pagesë i specializuar në korrigjimin profesional të portreteve. Lëkura, dhëmbët madje edhe rrudhat. Por kujdes se të merr qejfi dhe dukesh si manekin prej dylli.
