OPPO ka prezantuar Apex Guard, një laborator që synon të rrisë cilësinë, qëndrueshmërinë dhe jetëgjatësinë e smartphone-ve. Gjatë një vizite ekskluzive në kampusin Binhai Bay, selia globale dhe qendra e R&D të kompanisë, është bërë e qartë se OPPO e ndërton cilësinë që prej fazave më të hershme, shumë përpara se një pajisje të marrë formë. Laboratorë të specializuar, testime të materialeve dhe simulime tregojnë një përqasje të thellë ndaj besueshmërisë afatgjatë.
Apex Guard është koncepti që përmbledh këtë filozofi. Ai përfshin përmirësime në tre drejtime kryesore: qëndrueshmëri, jetë të gjatë të produktit dhe performancë. Në aspektin e materialeve, OPPO prezanton Ultra High Strength Steel dhe AM04, si dhe përforcimin strukturor Armour Shield, për t’i bërë pajisjet më rezistente ndaj përplasjeve, ujit dhe konsumimit të përditshëm.
Një tjetër shtyllë kyçe është bateria Silicon Carbon, e cila përdor materiale me sferë të personalizuar për siguri më të mirë dhe jetë mbi 400 cikle më të gjatë. OPPO punon me organizata ndërkombëtare si TÜV Rheinland dhe SGS dhe kryen mbi 180 teste rigoroze gjatë gjithë ciklit të zhvillimit dhe shërbimit pas shitjes.
Në anën e softuerit, ColorOS 16 luan një rol të rëndësishëm. Me Luminous Rendering Engine dhe Unified Animation Architecture, lëvizjet në sistem janë më të buta dhe konsistente. Teknologjitë si Dynamic Frame Sync dhe Sensor Offload përmirësojnë multitasking-un dhe ulin konsumin e energjisë. OPPO kryen edhe teste të plakjes 48, 60 dhe 72-mujore për të siguruar përgjigje të qëndrueshme me kalimin e viteve.
