Ka pafund mënyra për të ndihmuar në luftën kundër Covid-19, nga më kryesoret mbetet prodhimi i respiratorëve.
Në ditë normale kërkesa nuk do të ishte kaq e lartë ndaj edhe industria e prodhimit të tyre është e papërgatitur për numrin e lartë.
Ka industri të tjera ama të cilat prodhimin në masë e kanë sfidë të përditshme, si për shembull auto-industria.
General Motors u urdhërua nga shteti të prodhojë respiratorë, Ford po bën të njëjtën gje, madje edhe Ferrari ka dedikuar çdo grimë fuqi prodhimit të ventilatorëve.
Në ndryshim nga gjithë të tjerat Tesla po bën progres të konsiderueshëm.
Kompania ka publikuar një video ku paraqet dy modele, një prototip me pjesë të shpërndara dhe një tjetër të montuar.
Tesla është kritikuar nga masa pasi në vend që të ndjekë udhëzimet dhe të prodhojë respiratorë, duket sikur ata po përpiqen të shpikin një lloj tjetër respiratori.
Kompania është mbrojtur duke argumentuar se zgjodhën më mirë të përdornin pjesë nga makinat e tyre në mënyrë që pjesët ti njhnin më mirë por edhe resurset ti kishin më të gatshme. Në fakt ekranet e respiratorëve vijnë direkt nga Tesla Model 3. Kompiuterat po ashtu por dhe pjesë të tjera.
Progresi gjithashtu mbështet tezën e tyre.
Sigurisht që do të duhet kohë të aprovohen gjithashtu, por Tesla do të jetë gati të paktën.
