CEO i OpenAI, Sam Altman, ka njoftuar se kompania do të zbusë disa nga kufizimet e sigurisë në ChatGPT, duke lejuar përgjigje më “miqësore” dhe “njerëzore”, si dhe biseda erotike për përdoruesit e verifikuar të rritur. Vendimi, që pritet të hyjë në fuqi në dhjetor, është pjesë e parimit të ri të kompanisë “të trajtojmë të rriturit si të rritur”.
Altman tha se kufizimet e deritanishme ishin vendosur për arsye të shëndetit mendor, pasi ChatGPT kishte krijuar varësi tek disa përdorues të ndjeshëm. Ai pretendoi se OpenAI ka “zbutur problemet serioze të shëndetit mendor” që lidhen me përdorimin e chatbot-it, megjithëse pa ofruar prova konkrete. Ky ndryshim shënon një kthesë të rëndësishme, pasi vetëm pak muaj më parë, kompania përballej me akuza serioze – përfshirë një padi nga prindërit e një adoleshenti që humbi jetën pas ndërveprimeve me ChatGPT.
We made ChatGPT pretty restrictive to make sure we were being careful with mental health issues. We realize this made it less useful/enjoyable to many users who had no mental health problems, but given the seriousness of the issue we wanted to get this right.
— Sam Altman (@sama) October 14, 2025
Now that we have…
Në përgjigje të këtyre rasteve, OpenAI prezantoi modelin GPT-5 në gusht, me mekanizma për të zbuluar sjellje shqetësuese dhe për të reduktuar “sycophancy”, prirjen e AI-së për të rënë dakord me çdo gjë që thotë përdoruesi. Kompania krijoi gjithashtu një këshill ekspertësh të shëndetit mendor dhe një sistem për parashikimin e moshës që do të ndihmojë në kufizimin e aksesit për të miturit.
Megjithatë, hyrja e përmbajtjes erotike në ChatGPT hap një territor të paprovuar për OpenAI dhe ngre shqetësime për përdoruesit vulnerabël. Altman ka paralajmëruar se për të verifikuar moshën, përdoruesit mund të duhet të ngarkojnë një dokument identifikimi, një kompromis që kompania e konsideron të nevojshëm.
Ndërsa ChatGPT numëron tashmë 800 milion përdorues aktivë çdo javë, OpenAI përballet me presion për rritje dhe konkurrencë të ashpër nga Google dhe Meta, duke balancuar mes zgjerimit të bazës së përdoruesve dhe mbrojtjes së sigurisë emocionale të tyre.
