Ndërsa bota jashtë po merr deri diku ngjyra apokaliptike, Bethesda të jep mundësinë ta shpëtosh botën nga dhoma e shtëpisë, në një apokalips virual: Doom Eternal.
Dhe në mënyrë që të mos dukesh komplet noob përpara shokëve apo më keq internetit, ja një listë me 10 këshilla të dobishme:
1. Lëviz
Ky është një rregull pothuajse bazik tashmë në çdo lloj shooter game. Demonët mund të shfaqen ngado dhe nëse je duke bërë kamping, je preha më e lehtë.
2. Municionet
Kur je afër një demoni më të dobët, vrasja e tij mund të të japë municione. Mund të mbushësh gjithçka ose gjysmën e Rockets por sidoqoftë asnjëherë mos e ler të të ikë si mundësi pasi Pickups janë goxha të rralla.
3. Mos harro të përdorësh flakën
Kur armiqtë janë në flakë, lëshojnë mburoja për ty, gjë e cila të mbron nga dëmtimet goxha. Harrohet lehtë kur je në aksion e sipër.
4.Glory Kills
Kur plagos një demon ai fillon të shndrrijë blu dhe portokalli, tani mund të bësh një “melee attack” sulm nga afër, kjo është një Glory Kill e cila të jep Health.
5.Blood Punch
Kur bën disa Glory Kills rresht, mund të bësh një Blood Punch i cili mund të vrasë një demon me një goditje të vetme. Me rritjen e niveleve mund të heqësh qafe edhe disa njëherësh.
6.Përdor Ripatorium
Kur merr një aftësi apo armë të re, mund ti testosh tek fortesa e Ripatorium. Më mirë këtu sesa në fushëbetejë.
7.Përdor Super Shotgun tek Marauders.
Marauder është një demon që lëviz shpejtë dhe është efikas, si në sulme afër ashtu edhe larg, ndaj mundësia jote më e mirë është në mes. Të gjitha armët e tjera janë të ngadalta për të, ndaj prit momentin kur sytë e tij bëhen jeshil dhe menjëherë godit me Super Shotgun, nëse e godet njëherë mund të qëllosh përsëri. Pas kësaj ai do lëvizë rreth teje ndaj bëhu gati të vraposh.
8.Gjej Archville.
Ky demon është si komandant. Ai u rrit demonëve të tjerë shpejtësinë dhe fuqinë, dhe sjell shumë të tjerë. Ndaj nëse vret të vegjlit dhe lë Archville gjallë është e kotë pasi gjithmonë do të vijnë. Mund ta dallosh teksa bën magji ose nga mburoja e zjarrtë. Thyeja mburojën me Blood Punch dhe qëllo me Super Shotgun. Demonët e tjerë nuk do të të lënë rehat ndaj do të duhet ta provosh disa herë.
9.Demon Hunter.
Ky është një demon goxha i vështirë për tu hequr qafe, pasi është gjysëm demon gjysëm makineri. Mbrohet nga një mburojë e cila mund të thyhet vetëm me Plasma Rifle. Më pas mund të kalosh tek raketat, ose një Heavy Cannon për të hequr qafe pjesën mekanike.
10.Gjej The Buff Post.
Buff Post është një kryq i vogël i cili i bën demonët më të fortë dhe më agresiv, gjithashtu i risjell në jetë valë pas vale.
Zakonisht është e fshehur, por mund ta kuptosh që është aktive kur demonët janë të kuq. Gjeje dhe shkatërroje sa më parë me një sulm nga afër përndryshe do luftosh një betejë pafund.
