XPENG Motors, një kompani mjaft e njohur ndërkombëtare që ofron automjete inteligjente elektrike të fuqizuara nga inteligjenca artificiale, do të marrë pjesë në panairin IAA Mobility 2025, ku Geek Room dhe Neptun do të jenë të pranishëm për të informuar ndjekësit me inovacionet më të fundit nga bota e teknologjisë.
Një nga risitë kryesore është premiera evropiane e XPENG P7, një sedan sportiv elektrik, si dhe prezantimi i robotit humanoid IRON, një hap i madh drejt integrimit të AI në jetën e përditshme. Përveç tyre, vizitorët do të kenë mundësi të shohin modelet më të fundit të linjës së XPENG: MPV X9, Flagship SUV G9, Coupé SUV G6 dhe versionin më të avancuar AI-Defined Smart Sedan P7+.
XPENG P7 vjen me një autonomi mbi 600 km me një karikim të vetëm, përshpejtim 0-100 km/h në më pak se 4 sekonda dhe një kabinë inteligjente të mbështetur nga sisteme të avancuara voice-assistant dhe augmented reality HUD. P7+ është projektuar për të kombinuar luksin me teknologjinë, duke ofruar një përvojë drejtimi futuriste që shkon përtej konceptit tradicional të makinës elektrike.
Këto modele dhe sisteme përfaqësojnë vizionin e XPENG për autonominë në drejtim, kabinën inteligjente dhe zgjidhjet e mobilitetit të bazuara në AI. Pjesëmarrja në IAA Mobility 2025 shënon një hap strategjik në rritjen ndërkombëtare të kompanisë dhe në zgjerimin e saj në Evropë, duke e forcuar misionin për t’u bërë kompania numër një në botë për mobilitetin inteligjent të drejtuar nga AI.
Në fjalën e tij, Dr. Brian Gu, Nënkryetar dhe President i XPENG, theksoi se prania në këtë event “nuk është vetëm prezantim produktesh, por një vizion i ri ku AI transformon çdo aspekt të mobilitetit njerëzor”.
