IFA (Internationale Funkausstellung Berlin) vazhdon të mbetet një nga ngjarjet më të rëndësishme për apasionuarit e teknologjisë dhe inovacionit. Edicioni i vitit 2025 premton të sjellë një spektakël të jashtëzakonshëm të teknologjisë më të fundit, dhe Geek Room do të jetë aty për të 6-tin vit, së bashku me Neptun duke sjellë për ndjekësit e tij të gjithë informacionet më të reja nga ekspozita. Në datat 5 dhe 6 shtator, ekspozita do të mbledhë më shumë se 2,000 kompani nga e gjithë bota, për të prezantuar produkte që do të ndihmojnë në përcaktimin e kursit të inovacionit për vitet në vazhdim.
Çfarë presim nga IFA 2025
Në këtë vit, tema kryesore e IFA 2025 është “Teknologjia që Ndihmon Botën e së Nesërmes”. Ndërsa teknologjitë e reja po transformojnë jetën tonë, përqendrimi është në mënyrën se si këto inovacione mund të kontribuojnë në krijimin e një të ardhmeje më të qëndrueshme dhe të menaxhueshme, veçanërisht në sektorët e energjisë, shëndetit, dhe automjetëve inteligjentë.
Një nga temat që do të shohim është Inteligjenca Artificiale dhe përdorimi i saj në pajisjet e çdo dite, duke përfshirë teknologjitë që bëjnë jetë më të thjeshta dhe më efikase, si asistentët personalë të avancuar dhe makinat që mund të parashikojnë nevojat tona. Po ashtu, 5G dhe 6G do të jenë në fokus, duke mundësuar lidhshmëri më të shpejtë dhe më të besueshme për një gamë të gjerë aplikacionesh. Kjo do të hapë mundësi për zhvillimin e më shumë produkteve të lidhura me “Internetin e Gjërave” (IoT), duke përfshirë edhe pajisje shtëpie që mund të menaxhohen nëpërmjet telefonave dhe komanda automatike.
Realiteti i Shtuar (AR) dhe Realiteti Virtual (VR) do të shihen si asnjëherë më parë, me aplikime të reja që prekin çdo aspekt të jetës – nga gaming-u, mjekësia, edukimi dhe deri në dizajnin industrial.
Kompanitë më të rëndësishme pjesëmarrëse në IFA 2025
Si çdo vit, markat kryesore të teknologjisë do të jenë të pranishme në IFA, duke përfshirë Google, Samsung, LG, Sony, Bosch, Miele, Panasonic, Beko, dhe shumë të tjerë. Ata do të ekspozojnë produktet e tyre më të fundit, duke përfshirë smartfonët, televizonët inteligjentë, pajisjet shtëpiake të lidhura dhe zgjidhje të avancuara për të ardhmen e punës dhe jetesës.
Mos harroni, datat janë 5-6 shtator! Shihemi në Berlin!
