Apple prezanton iPad Pro të ri, me çmim $799 ose $949 në varësi të madhësisë së ekranit dhe memories.
Të dyja produket duken të njëjtë me paraardhësit por proçesori dhe seti i kamerave është totalisht diçka tjetër. Proçesori i ri quhet A12Z Bionic dhe Apple nuk ngurron ta quajë më të fuqishëm se shumica e laptopëve Windows. Duke pretenduar gjithashtu 10 orë bateri.
Seti i kamerave është i njëjtë me atë të iPhone 11 Pro. 2 sensorët e parë janë të njëjtët ndërsa i treti është një sensor LIDAR i aftë për të njohur format 3D, i cili do të përdoret për AR dhe skanim thellësie.
Dhe së fundmi një tastierë e re e cila jo vetëm i jep suport, por e ngre edhe më lart iPadin sipas dëshirës. Magic Keyboard mbi të gjitha ka një trackpad i cili funksionon tamam si kursor, është i ndriçuar dhe ka suport për USB-C.
iPad Pro 2020 është i disponueshëm që tani dhe do të fillojë dërgesat në 25 Mars. Sa i përket tastierës e cila kushton $299 dhe $349 dërgesat fillojnë në maj.
