Apple po bën një ndryshim të papritur në strategjinë e materialeve për serinë e re të iPhone 17. Ndërsa modelet iPhone 15 Pro dhe Pro Max prezantuan titanin si një veçori të nivelit të lartë në dizajn, dhe modelet Pro të iPhone 16 vazhduan me të njëjtën strategji, raportimet e reja tregojnë për një ndryshim që pritet të vijë në serinë e rradhës. Sipas tyre, vetëm një model nga seria iPhone 17 do të ketë dizajn me titanium—iPhone 17 Air, i cili nuk është model “Pro“.
Analisti Ming-Chi Kuo tregon se iPhone 17 Air do të ketë një kornizë titani dhe alumini, me përqindje më të ulët titani sesa modelet aktuale Pro dhe Pro Max. Kjo është e pazakontë, pasi Apple historikisht e ka paraqitur titanin si një material luksoz, të rezervuar për pajisjet më të shtrenjta.
Ndërkohë, iPhone 17 Pro dhe Pro Max pritet të kalojnë nga titani te alumini, një material më i lehtë dhe më i lirë. Analisti Jeff Pu e konfirmoi këtë ndryshim në një analizë të fundit. Përdorimi i aluminit për modelet Pro dhe i titanit për modelin Air ka ngjallur habi te ekspertët.
Një arsye mund të jetë se Apple synon të bëjë iPhone 17 Air jashtëzakonisht të lehtë, dhe materiali I titanit mund të ofrojë një ekuilibër të mirë mes forcës dhe peshës. Por, duke qenë se alumini është edhe më i lehtë se titani, kjo strategji mbetet e paqartë.
Me pak fjalë, iPhone 17 Air do të jetë modeli i vetëm me titanium, një zgjedhje që vë në pikëpyetje qasjen afatgjatë të Apple ndaj materialeve dhe se si ajo e përcakton “premium”-in në dizajn.
