Fortnite dhe PUBG, ethet e online multiplayer games duket se nuk duan të ikin. Ethe aq të forta sa një emër tjetër i cili ka qënë vërdallë kohë përpara tyre zgjodhi të mos mbetej vetëm në console gaming.
Po flasim sigurisht për Call of Duty, një ndër First Person Shooting më të suksesshme të të gjitha kohërave.
Versioni Mobile nuk ka shumë që qarkullon e megjithatë numri i fansave surprizon nga dita në ditë. Kushdo që e ka shijuar lojën në console zgjedh ta luajë edhe në mobile. Një ndër modalitetet më të famshme të CoD vazhdon të mbetet “Zombies” kjo kryesisht në console pasi në mobile lajmet nuk janë edhe aq të mira.
Përkundrazi Activision ka vendosur ta eleminojë këtë kategori. Thjesht sepse sipas tyre nuk është e mirë mjaftueshëm. Kompania mëmë nëpërmjet një deklarate zyrtare ka pohuar se nga data 25 mars Zombies nuk do të mund të luhet më në CoD Mobile. Fokusi do të shkojë mesa duket tek Multiplayer, Battle Royale dhe Ranked.
A do të ringjallet nga vdekja Zombies ndonjëherë? Për momentin duket se jo.
