Në mungesë të një eventi të parashikuar gjatë MWC 2020, Vivo ka prezantuar online konceptin e ri të Apex 2020 i cili duket se ka shumë të veçanta për të cilat ja vlen të flasësh.
Për të nisur nga më kryesorja, një dual-lens selfie camera prej 16MP e cila fshihet pas ekranit duke eliminuar nevojën e një notch-i. Një “under-screen camera” është parë edhe në Oppo i cili nuk e nxorri kurrë në treg produktin, ashtu si do të bëjë edhe Vivo me Apex-in e ri.
Ekrani 6.45-inch i harkuar deri në 120` në të dyja anët krijon një efekt i cili duket akoma më shumë futuristik kur shtojmë faktin se Vivo ka eliminuar butonat fizikë duke i zëvendësuar ato me butona me presion në ekran.
Kamera parësore prej 48MP ofron një zoom optik nga 5x në 7.5x, i cili është më i lartë se ai 2x i iPhone 11 Pro Max dhe se ai 4x në Galaxy S20 Ultra. Sipas Vivo, Apex 2020 ka gjithashtu të instaluar në kamera një sensor levizje i cili ruan imazhin nga lëvizjet e dorës dhe premton performancë 200% më të lartë të kameras.
Fatkeqsisht Geek Room nuk do të mund ta testojë produktin pasi ai nuk gjendet në treg. Apex 2020 është vetëm një prototip i cili tregon për synimet e kompanisë dhe ne me shumë mundësi do të nisim të shohim disa prej tyre në produktet e ardhshme.
Specifika të përgjithshme:
Ekrani: 6.45 inch, 120` i harkuar
Kamera parësore: 48MP, periscope sensor 5x-7.5x optical zoom
Kamera selfie: 16MP in display camera
Fast Charging: 60-vat
Proçesor: Snapdragon 865 me modem X55
RAM: 12GB
Memorie: 256GB
Ngjyra: Zezë dhe Bardhë
—
Geek Room të sugjeron të shohësh:
