Ditët kalojnë dhe ne të gjithë jemi ende në pritje të disa të dhënave më shumë rreth PlayStation 5 pasi ajo çfarë dimë deri tani nuk po na mjafton!
Në Geek Room zbuluam tashmë se çmimi i PS5 po kalon çdo limit pasi kosto e lartë e produkteve nuk po i jep mundësi Sony të dalë me një çmim konkurues.
Në të njejten kohë orientimi i përdoruesve drejt cloud gaming po ul së tepërmi intresin për consolët dhe kjo mendohet të jetë edhe arsyeja kryesore përse Sony nuk do të prodhojë më një PlayStation.
Google Stadia tashmë mund të testohet me fare pak dollarë që investohen në blerjen e një controlleri. Kjo kosto shumë shpejtë do të jetë zero pasi, sipas Google përdoruesit do të mund të testojnë lojrat falas pa patur nevojën e shpenzimit të parave.
Edhe Microsoft po sheh jashtë korrnizës së një console. Shërbimi i Xbox Project xCloud është tashmë në fazën e testimeve duke të lejuar të besh stream mbi 50 tituj në Android duke përdorur Wi-Fi ose data. Për më shumë, Microsoft thotë se 50 titujt janë një numër tejet i vogël në krahasim me çfarë do të ofrohet së shpejti.
Amazon gjithashtu njihet për shërbimin më të madh cloud në botë (AWS) të cilin do të ishte çmenduri nëse nuk do ta përdornin për gaming. Në fund të 2019 zërat për një gaming service u bënë serioze dhe një event gjatë 2020 pritet të konfirmojë gjithçka.
Përballë konkurenteve të tille Sony duket për momentin i pafuqishëm të veprojë. Shërbimi PlayStation Now nuk mund të aksesohet jashtë një PS4 apo PC dhe përdoruesit duhet të investojnë shumë para për ta patur atë.
Në një botë ku 3.5 miliardë persona përdorin një smartphone kompanitë si Microsoft, Amazon dhe Google duket se e kanë më të lehtë të krijojnë një shërbim cloud gaming.
Nëse kompania japoneze do të investojë në këtë shërbim ne ende nuk e dijmë, por nga çfarë kuptojme PS5 me shumë mundësi nuk do të ketë një pasardhës.
