Vitin e kaluar, prodhuesi kinez i automjeteve BYD la në hije prodhuesit e tjerë kur arriti të prodhonte më shumë makina elektrike se Tesla, si dhe duke arritur të sigurojë të ardhura vjetore rreth $107 miliardë për vitin 2024 kundrejt $97.7 miliardë të Tesla.
Megjithatë ky sukses nuk do të ndalet këtu. Kompania ka nisur ndërtimin e një qyteti të ri të dedikuar tërësisht prodhimit të makinave elektrike në Zhengzhou. Videoja e mëposhtme tregon pamjet me dron të fabrikës së saj super gjigande. Megjithatë aktualisht është ndërtuar vetëm një pjesë e planit të plotë, i cili është ndarë në 8 faza zgjerimi. Kur të përfundojë, prona pritet të shtrihet përafërsisht 130 km2, që është një hapësirë më shumë se 10 herë më e madhe se Gigafactory Nevada Telsa, ose sa madhësia e gjithë qytetit të San Franciskos.
Pothuajse 60,000 nga 90,000 punëtorët e BYD janë aktualisht të stacionuar atje sot dhe BYD thuhet se do të rekrutojë 200,000 punëtorë të tjerë nga e gjithë bota në muajt e ardhshëm. Punëtorët do të jenë në gjendje të jetojnë në këtë qytet në banesa të ofruara nga kompania dhe të kenë akses në shërbimet e ofruara në të.
Në përgjithësi, BYD planifikon të instalojë kapacitet të mjaftueshëm për të prodhuar rreth një milion makina në vit në fabrikën e saj në Zhengzhou, e cila është e mjaftueshme për të mbuluar rreth një të katërtën e shitjeve të përgjithshme të automjeteve të saj. BYD dëshiron të jetë fuqia globale e automjeteve dhe se e ardhmja e elektrifikimit mund të formësohet shumë mirë në hapësirat e fabrikës së saj në Zhengzhou.
