Në një video të re, Nothing ka zbuluar plotësisht dizajnin e Phone (3a) “Pro” dhe ishullin e kamerave, vetëm disa ditë pasi një rrjedhje shfaqi të njëjtin dizajn.
Seria Nothing Phone (3a) përbëhet nga Phone (3a) dhe Phone (3a) Pro, sipas informacioneve më të fundit të publikuara në rrugë jozyrtare. Ndërsa video e re nuk i konfirmon ata emra, ajo zbulon zyrtarisht dizajnin e plotë të pajisjes që mendohet të jetë Nothing Phone (3a) Pro.
Nothing e zbërthen procesin e projektimit për serinë Phone (3a) në videon e saj të fundit ngacmuese, duke përfshirë mënyrën se si u krijua moduli i veçantë i kamerës në Phone (3a). Ndërsa pamja në vetvete është unike, problemi i vetëm këtu është trashësia e këtij moduli të kamerave, i cili largohet shumë nga pjesa e pasme e pajisjes.
Videoja vazhdon të shfaqë dizajnin disa herë, duke përdorur të njëjtat klipe që pamë në rrjedhjet e fundit. Vetë dizajni kaloi nëpër variacione të shumta, me disa duke u shfaqur më afër asaj që kemi parë në rrjedhjet e telefonit “standard” (3a) dhe paraqitjeve të tjera të ndryshme.
Pritet që seria Nothing Phone (3a) të prezantohet më 4 mars, gjithashtu do të jetë i pranishëm dhe në MWC 2025, ku Geek Room do të jetë prezent për të shfaqur para ndjekësve produktet më të reja dhe inovative në fushën e teknologjisë.
