Apple ka prezantuar iPhone 16e me një dizajn të përditësuar dhe ka lënë pas ndërfaqen klasike të Touch ID të iPhone. IPhone 16e vjen me teknologjinë Face ID, fuqizohet nga çipi më i ri A18 dhe ofron mbështetjen për Apple Intelligence me një çmim fillestar prej $599.
16E është një lloj pasardhësi i iPhone SE i bazuar në dizajnin e iPhone 14 të vitit 2022, por përshtat komponentët e nevojshëm për Face ID (dhe selfie) në një notch në vend të Dynamic Island që gjendet në telefonat më të fundit kryesorë të kompanisë.
Me një ekran OLED 6.06 inç, 16E tani është afër të njëjtës madhësi si iPhone 16 standard (6.12 inç), pra kjo do të jetë madhësia më e vogël e një iPhone që ju mund të bleni. Matjet e 16E tregojnë se është rreth 0,1 mm më i ngushtë dhe 0,7 mm më i shkurtër se iPhone 16 standard. 16E përfshin Action Button të personalizueshëm, por jo butonin e ri të kamerës që gjendet në serinë 16. Gjithashtu porta Lightning është zëvëndësuar me USB-C, sipas kërkesave të BE.
Ajo që nuk ofrohet është mbështetja për aksesorët MagSafe ose karikimi i shpejtë me valë, pasi iPhone 16E mbështet vetëm karikimin me valë Qi deri në 7.5W, ndërkohë që iPhone-t e tjerë karikohen në shpektësinë 25W me valë. Në brendësi, fuqizohet nga një çip A18, i njëjti çip si iPhone 16. Kjo e bën 16E mjaftueshëm të fuqishëm për të ofruar shërbimet e inteligjencës artificiale të Apple Intelligence.
Apple ka konfirmuar më parë se 8 GB RAM ishte minimumi për të marrë mbështetjen e Apple Intelligence në serinë iPhone 16, kështu që ka të ngjarë që 16E gjithashtu ketë të njejtin kapacitet RAM. Versioni bazë i këtij modeli do të vijë me 128 GB memorie, që do të thotë se nuk ka më një iPhone 64 GB.
Ekziston vetëm një kamerë e pasme e vetme 48MP; mungesa e kamerave shtesë është diferenca më e madhe me smartphone-t e tjerë të kompanisë. iPhone 16E është gjithashtu iPhone i parë që përfshin një modem të zhvilluar nga vetë Apple. Kompania ka kaluar vite duke u përpjekur të largohet nga modemet e zhvilluar nga Qualcomm, dhe më në fund po shohim frytet e kësaj pune.
Pyetja kryesore tani mbetet se sa mirë funksionon modemi i ri dhe nëse Apple është gati të nxjerrë në treg komponentët e vet në serinë e iPhone 17 më vonë këtë vit.
