Ju mund të krijoni një kopsht të vogël në ambientet e brendshme falë llambës së re të LG

LG ka zhvilluar një llambë të re që bën të mundur të keni një kopsht të vogël me lule në ambientet e brendshme të shtëpisë.

Llamba, e cila do të shfaqet gjatë CES 2025 në janar nga kompania, shërben si një dritë me nivele të rregullueshme për rritjen e deri në 20 bimëve poshtë saj, duke ndriçuar njëkohësisht dhe dhomën tuaj. Ka dy mënyra të ndryshme ndriçimi: ndriçimi me drejtim poshtë gjatë ditës që ndihmon në rritjen e bimëve tuaja dhe ndriçimi me drejtim lart gjatë natës për të ndihmuar në ndriçimin e shtëpisë tuaj.

Sipas LG, llamba vjen e pajisur me një rezervuar uji 5.6 litra dhe “shpërndan automatikisht sasinë e duhur të ujit dhe lëndëve ushqyese për numrin dhe shumëllojshmërinë e bimëve që rriten“.

LG do të prezantojë gjithashtu një llambë më të shkurtër për rritjen e bimëve, e cila në mënyrë të ngjashme vendos një dritë rritjeje mbi një tufë bimësh. Pajisjet janë të pajtueshme me aplikacionin ThinQ të LG, duke ju lejuar të rregulloni cilësimet e dritës dhe të menaxhoni oraret e kultivimit kur nuk jeni në shtëpi.

Kjo nuk është hera e parë që LG merret me krijimin e teknologjisë së kopshtarisë së brendshme. Kompania lançoi një kultivues të brendshëm të quajtur LG Tiiun në vitin 2019. LG thotë se llamba e saj e re ka një kapacitet më të madh uji sesa produktet e saj të mëparshme të brendshëm, por nuk përmend asnjë detaj se sa do të kushtojë, ose kur do të dalë në treg në të vërtetë.