Studiuesit nga Kolegji Universitar i Londrës kanë arritur atë që kuzhinierët e famshëm dhe nënat italiane kanë ëndërruar prej kohësh: kanë krijuar spagetin më të hollë në botë.
Kjo arritje e botuar në Nanoscale Advances, ka prodhuar fije nanofibrash niseshteje që janë vetëm 372 nanometra të gjera, e cila është e padukshme për syrin e lirë dhe është edhe më e vogël se disa gjatësi vale të dritës.
“Spagetti më i hollë në botë” duket tepër i çuditshëm, por ky zbulim mund të ketë në fakt aplikime të rëndësishme dhe në mjekësi. Për shembull, nanofibrat prej niseshteje mund të ndihmojnë në shërimin e plagëve kur përdoren në fasha, pasi ato do të jenë në gjendje të mbajnë jashtë bakteret duke lejuar daljen e lagështisë.
Në vend që të kalonin përmes procesit të përpunimit qelizor të niseshtës, këta kimistë vendosën që të blinin niseshte në dyqan dhe i krijuan fijet e holla direkt nga mielli. Versioni i tyre i nanofibrave u krijua me një proces të quajtur electrospinning, ku një ngarkesë elektrike tërheq një përzierje mielli dhe lëngje përmes vrimave jashtëzakonisht të vogla metalike në fije që janë vetëm nanometra të gjera.
Pra, me pak fjalë procesi i përgatitjes së makaronave ishte i njejtë me atë që kryejmë normalisht, vetëm se në një shkallë shumë, shumë më të vogël. Ka ende shumë studime për t’u bërë përpara se produkti të përdoret për qëllime mjekësore, por ky është një hap drejt nanofibrave më të qëndrueshme të niseshtesë.
Dhe pse do të ishte shumë interesante të shikosh kuzhinierët duke u përpjekur të shpjegojnë makaronat e padukshme në një reality shoë, elektrospinning pothuajse me siguri nuk do të bëhet fenomeni i ri në gastronomisë molekulare. Siç tha bashkëautori, Profesor Gareth Williams i Shkollës së Farmacisë në UCL: “Unë nuk mendoj se është e dobishme si makarona, fatkeqësisht, pasi do të ziheshin tepër në më pak se një sekondë, përpara se t’i nxirrnit nga tigani“.
