Në fillim të këtij viti Google prezantoi për herë të parë 3 shërbime të reja që mbrojnë smartphone-t tuaj në rast vjedhje. Tashmë disa përdorues të Android kanë vënë re së këto shërbim kanë nisur të vijnë pranë tyre.
3 shërbimet përfshijnë – Theft Deteciton Lock, Offline Device Lock dhe Remote Lock – synojnë t’u japin përdoruesve një mënyrë për të kyçur shpejt pajisjet e tyre nëse ato janë vjedhur, në mënyrë që hajdutët të mos kenë akses në ndonjë informacion të ndjeshëm.
Raportuesi i Android, Mishaal Rahman ndau në mediat sociale se dy shërbimet e para ishin shfaqur në një Xiaomi 14T Pro dhe tha se disa përdorues të Pixel kanë filluar të shohin Remote Lock.
Theft Detection Lock aktivizohet nga akti i mirëfilltë i tërheqjes me forcë. Kompania tha në maj se shërbimi “përdor Google AI për të kuptuar nëse dikush ju rrëmben telefonin nga dora dhe përpiqet të vrapojë, të biçikletojë ose të largohet“. Në një skenar të tillë, ai do të bllokojë ekranin e telefonit.
Offline Device Lock, nga ana tjetër, mund të bllokojë automatikisht ekranin pasi një hajdut të ketë shkëputur telefonin nga interneti.
Dhe tani ju mund ta kyçni nga distanca telefonin tuaj me “Find My Device“, por shërbimi i tretë, Distance Lock, ju lejon ta bëni këtë pa pasur nevojë të shkruani fjalëkalimin e llogarisë tuaj Google. Gjithçka që ju nevojitet për këtë është “numri juaj i telefonit dhe një sfidë e shpejtë e sigurisë duke përdorur çdo pajisje“.
