Çdo vit kemi parë se si variantet e reja të Polestar janë përmirësuar si nga ana vizuale ose fuqia. Për vitin 2024, Polestar 2 merr përmirësimin e tij më gjithëpërfshirës deri më sot, duke e bërë këtë EV një prezantim edhe më tërheqës nga prodhuesi i ri i automjeteve që specializohet në makinat elektrike.
Ndyshimet “e padukshme”
Polestar 2 duket pak më ndryshe falë “SmartZone” të re, zonës së përparme ku gjenden pajisjet teknologjike si sensorët apo kamerat. Gjithashtu dhe madhësitë e gomave kanë ndryshuar për variantet bazë single dhe dual-motor, të cilat janë pajisur me goma Michelin 19” për të gjitha stinët. Variantet Performance përdorin goma Continental SportContact 6 verore 20”.
Eksperienca e të drejtuarit të një Polestar 2
Duhet vetëm një prekje e lehtë e pedalit të djathtë për të vërejtur ndryshimin. Pedali i gazit të RWD Polestar 2 me një motor e bën mjaft të pëlqyeshëm nisjen nga qetësia, megjithëse nxitimi është përmirësuar në mënyrë dramatike krahasuar me modelin e vitit të kaluar, dhe Geek Room mendon se kjo është fantastike! 100 km/h tani arrihen në 5,5 sekonda të shpejta, një kërcim i madh nga 6,8 sekondat e modelit FWD. Parakalimi me shpejtësi autostrade është gjithashtu më i lehtë—fuqia e shtuar zvogëlon kohën e shpejtësisë 80 deri në 120 km/h nga 3,8 në 3,2 sekonda.
Bateria e re 79 kWh rrit autonominë e makinës nga 430 km në 510 km ndërsa rrit në të njejtën kohë dhe shpejtësinë maksimale të karikimit DC nga 155 në 205 kW.
Dhe versioni dual-motor i Polestar 2 përfiton gjithashtu nga rritja e autonomisë, e cila shkon nga 420 deri në 445km. Ky model kombinon motorin e ri sinkronizues të modelit RWD me një motor të ri induktiv në pjesën e parme, duke rritur fuqinë e makinës në 416 kuajfuqi, ndërsa modeli Performance vjen me 449 kuajfuqi. Kjo gjë ka bërë që të përmirësohet lehtësisht nxitimi nga qetësia në 100 km/h me 0.1 sekonda (nga 4.2 në 4.1s).
Për të gjitha modelet Polestar 2, pesha e timonit është e rregullueshme dhe modaliteti më i ngurtë shton pak peshë artificiale, por konfigurimi standard është mjaft i mirë. Kabina është pothuajse e njejtë për të gjitha versionet, ndërkohë që sistemi infotainment i fuqizuar nga Google është si gjithmonë mjaft i lehtë për t’u përdorur.
Opsionet shtesë
Modelet single-motor dhe dual-motor mund të përmirësohen me paketën Pilot Package që shton adaptive cruise control dhe Pilot Assist për ta bërë më të lehtë drejtimin e makinës, ndërkohë që Plus Package vjen me më tepër përmirësime: sistem audioje Harman/Kardon, tavan panoramik, ngrohje për sediljet e pasme dhe timonin dhe shumë të tjera.
