YouTube së fundmi zgjeroi përpjekjet për bllokimin e përdorimit të adblockers, duke e kaluar nga një eksperiment të vogël në një lëshim global. Lëvizja duket se ka pasur njëfarë suksesi, pasi përdoruesit po çinstalojnë adblockers në shifra rekord. Por nga ana tjetër ka patur gjithashtu një efekt të kundërt, pasi një numër edhe më i madh përdoruesish kanë instaluar bllokues më të mirë të reklamave.
Qindra mijëra përdorues kanë çinstaluar bllokuesit e reklamave në tetor, me sa duket në lidhje me goditjen e zgjeruar të YouTube, sipas një raporti nga Wired. Në të njëjtën kohë, të dhënat tregojnë se një numër rekord përdoruesish po instalojnë gjithashtu alternativa që nuk do të pengohen nga YouTube.
Krzysztof Modras i Ghostery – një nga bllokuesit më të njohur të reklamave në dyqanin e extensions të Chrome – thotë se ata kanë parë rritje tre deri në pesë herë në sasinë e instalimeve dhe çinstalimeve gjatë muajit të fundit. Mbi 90% e atyre përdoruesve që çinstaluan këtë extension përmendën se software-i zbulohej nga YouTube si arsyen e vendimit të tyre. Sidoqoftë, kompania pa një rritje prej 30% në instalimet në Microsoft Edge, me përdoruesit që përpiqeshin të gjenin një alternativë të përshtatshme.
Një tjetër bllokues, AdGuard, tregoi se normalisht shohin rreth 6,000 çinstalime në ditë në Chrome, por ato u rritën në 11,000 në ditë midis 9 tetorit dhe fundit të muajit, duke arritur kulmin në 52,000 më 18 tetor. Megjithatë, versioni me pagesë i këtij extension duket se është imun ndaj ndalimit nga YouTube. Është raportuar se kompania thotë se kur njerëzit e kuptuan këtë, numri i përdoruesve u rrit, duke arritur në 60,000 instalime më 18 tetor dhe 27 tetor.
Tani për tani, duket se goditja e YouTube ndaj bllokuesve të reklamave i ka bërë njerëzit të përpiqen të gjejnë një alternativë më të mirë. Disa njerëz madje po i drejtohen zgjidhjeve si Neëpipe, një faqe interneti e ngjashme me YouTube që është e aftë të shfaqë video nga YouTube pa reklama.
Nëse po kërkoni alternativa, extensions si uBlock Origin ende funksionojnë kur përdoren në Firefox. Adblock Plus ka ofruar gjithashtu disa sugjerime se si të kapërceni masat e YouTube. Ekziston gjithashtu mundësia për të pranuar situatën dhe për të paguar për YouTube Premium.
