Google sapo publikoi një video të re të Pixel Watch 2, dhe ndërsa ora inteligjente duket tmerrësisht e ngjashme me origjinalin, ka disa dallime të dukshme, si përshembull kurora e re, vlerësimi IP68 dhe një grup sensorësh të vendosur në pozicione të reja.
Në prag të eventit të lançimit Made by Google më 4 tetor në Nju Jork, Google ka prezantuar pamje të linjës së tij të ardhshme Pixel, duke përfshirë pamjen 360 gradë të Pixel 8 Pro dhe Pixel 8 shumë më të vogël.
Kjo video e re, edhe pse e shkurtër, ka bërë të mundur që ne të kuptojmë më mirë dallimet kryesore nga seria e parë e orës smart. Si fillim, ndryshimi më i madh është grupi i sensorëve.
Pixel Watch origjinal ka një rresht elektrodash EKG, por një grup të hollë në formë pilule që strehon sensorët optikë drejtkëndëshe. Në Pixel Watch 2, mund të shihni qartë një dizajn më rrethor me LED më të vegjël. Thashethemet kanë treguar deri më tani se Pixel Watch 2 do të shfaqë sensorin e aktivitetit elektrodermal të vazhdueshëm të pranishëm në Sense 2, kështu që kjo mund të jetë një arsye për një ridizenjimin.
Ju gjithashtu mund të shihni për një moment të shkurër vlerësimin IP68 për rezistencën ndaj ujit dhe pluhurave. Pixel Watch origjinal kishte vetëm një vlerësim “rezistent ndaj ujit deri në 50m“.
Kjo nuk është shumë befasuese, pasi origjinali u vlerësua gjithashtu si rezistent ndaj ujit në presion 5ATM, që në përgjithësi është ajo që nevojitet për t’u konsideruar rezistente ndaj notit. IP68 të paktën konfirmon një nivel të rezistencës ndaj pluhurit gjithashtu.
Së fundmi, kurora duket se qëndron më shumë në nivel me ekranin. Pixel Watch 2 ka një dizajn tepër të ngjashëm me origjinalin, gjë që na bën të mendojmë se përmirësimet më të mëdha do të vijnë në pjesën e software-it.
