Seria e smartphone-ve Pixel 8 nga Google pritet të prezantohen në tetor të këtij viti, në të njejtën kohë ku dhe seria e Pixel 7 u prezantua. Pavarësisht kësaj gjëje, ne kemi mësuar shumë informacione rreth këtyre smartphone-ve falë leaks të ndryshme.
Sot, një burim zakonisht i besueshëm na sjell informacion për versionet në të cilat do të shiten dy modelet. Pixel 8 supozohet se do të vijë me 128 GB ose 256 GB memorie të brendshme, që është saktësisht si paraardhësi i tij. Ata që shpresonin për një rritje në 256 GB për modelin e nivelit fillestar do të zhgënjehen. Pixel 8 do të jetë i disponueshëm në tre ngjyra, të quajtura Licorice, Peony dhe Haze. Pixel 8 Pro më i madh, nga ana tjetër, do të ketë tre versione të memories. Së bashku me opsionet 128 GB/256 GB do të jetë dhe ai 512 GB. Ai gjithashtu do të ofrohet në tre ngjyra, të quajtura Licorice, Porcelain dhe Sky.
Sipas leaks të mëparshme, Pixel 8 do të jetë më i shtrenjtë se Pixel 7 në fillim ($650-$700 krahasuar me $600). Ai do të ketë një ekran 6,17 inç 1080×2400 120Hz me një lexues të integruar ultrasonik të shenjës së gishtave, një kamerë kryesore 50 MP me një sensor të ri Samsung ISOCELL GN2, të njëjtat kamera selfie 12MP ultra të gjerë dhe 11 MP si paraardhësi i tij, një bateri 4,485 mAh, mbështetje për karikimin me tela 24 W dhe 12 W me valë, dhe gjeneratën e ardhshme të çipit Tensor në krye, natyrisht.
Pixel 8 Pro merr një ekran 6.7 inç 1344×2992 120Hz, të njëjtin proçesor, të njëjtën kamerë të re kryesore, një të re 64 MP ultra të gjerë, si dhe të njëjtat kamera telefoto 48 MP dhe 11 MP nga Pixel 7 Pro.
