Shërbimi më i ri në WhatsApp i jep mundësinë përdoruesve të dërgojnë me shpejtësi mesazhe të shkurtra me video, të ngjashme me mesazhet zanore nga ku ky shërbim mbështet.
Shefi ekzekutiv i Meta, Mark Zuckerberg ndau një video të shkurtër të këtij shërbimi në veprim, duke treguar mënyrën se si shpërndahen videot rrethore. Sipas një postimi shoqërues në blog nga WhatsApp, mesazhet video mund të zgjasin deri në 60 sekonda dhe do të luhen automatikisht në heshtje kur një person hap bisedën. Kjo është ndryshe nga mesazhet zanore, të cilat nuk luhen automatikisht dhe mund të zgjasin për aq kohë sa dëshironi.
Për të dërguar një video mesazh duhet të shtypni shtypur ikonën ekzistuese të mesazhit zanor për ta kthyer atë në modalitetin e videos.
sometimes you just have to see it to believe it ? now you can capture the moment right when it happens with a Video Message. pic.twitter.com/QiDTRhRRJ6
— WhatsApp (@WhatsApp) July 27, 2023
Dhe më parë WhatsApp ju lejonte të shpërndani video me miqtë tuaj, por proçesi ishte paksa më i ndërlikuar. Duke funksionuar si një shërbim i ngjashëm me mesazhet zanore, të cilat gjenden vetëm brenda në WhatsApp, dhe videot tashmë nuk do të tejmbushin galerinë tuaj, por do të mbesin në aplikacion.
Ky shërbim i video mesazheve ka filluar të përdoret në WhatsApp si në iOS ashtu edhe në Android prej të paktën një muaji, dhe postimi në blog i WhatsApp thotë se shërbimi do të jetë i disponueshëm për “të gjithë në javët e ardhshme”.
