Netflix po prezanton një hapësirë të re navigimi në aplikacionin për smartphone që mund ta bëjë më të lehtë gjetjen e diçkaje që dëshironi të shikoni, sipas një postimi në blog nga kompania. Hapësira e re, e quajtur “My Netflix“, do të jetë e disponueshme në iOS duke filluar nga e hëna dhe do të fillojë të shfaqet në Android në fillim të gushtit.
Në thelb, duket sikur My Netflix do të shfaqë tituj për të cilët keni treguar një lloj interesi, si një mënyrë për t’ju ndihmuar të merrni një vendim se çfarë dëshironi të shikoni. Hapësira “My Netflix” do t’ju sugjerojë filmat që keni shkarkuar, që keni parë së fundi, ose që nuk i keni përfunduar ende, që i keni ruajtur në My List dhe keni dhënë një thumbs-up, si dhe trailerat që keni parë.
“Kini parasysh se sa më shumë të ndërveproni dhe t’i tregoni Netflix-it atë që ju pëlqen, si p.sh. ruajtja e më shumë thriller-ve aksion si Extraction 2 në My List ose vendosja e thumbs up për çdo sezon të Bridgerton, aq më shumë do të shihni në hapësirën My Netflix,” shkruan Netflix.
Ndërsa tingëllon si një hapësirë e re e dobishme për t’u pasur në të gjitha vendet ku përdorni Netflix, aktualisht ofrohet vetëm në aplikacionet për smartphone. Kur zëdhënësi i Netflix u pyet në lidhje me ofrimin e këtij shërbimi në web apo platforma të tjera, ai tregoi se kompania po eksploron një mundësi të tillë.
