Sony kohët e fundit njoftoi se do të prodhonte një hardware që mbahet në dorë për të gjithë përdoruesit e PlayStation 5, të njohur aktualisht si “Project Q“. Nuk dihet shumë rreth kësaj pajisje deri më tani, por një leak i ri tregon se PlayStation Project Q po fuqizohet nga sistemi operativ Android.
Imazhet dhe videoklipet e postuara nga @Zuby_Tech e analizojnë Project Q në mënyrë rrënjësore, duke ofruar një pamje pak më të mirë të hardware-it sesa në prezantimin zyrtar nga Sony. Project Q ka një ekran të madh në qendër me një controller DualSense i ndarë në gjysmë dhe i bashkangjitur në të dyja anët si Nintendo Joy-Cons – është ende e paqartë nëse ato mund të hiqen dhe të përdoren në mënyrë të veçantë pa ekranin, por nga kjo video duket qartë se nuk janë pjesë individuale.
PlayStation Project Q Leaks:#PlayStation #ProjectQ https://t.co/gyFrsW7xkN pic.twitter.com/0R0yQIdr0I
— @Zuby_Tech (@Zuby_Tech) July 22, 2023
Por, ndoshta më interesante se një vështrim në hardware është një vështrim në software-in e kësaj pajisje. Siç dukej e mundshme që nga fillimi, aparati i dorës i Sony Project Q PlayStation duket se fuqizohet nga Android me një çip Qualcomm të integruar.
Versioni i hershëm i software-it ka një launcher tipik Android dhe grumbull aplilacionesh, navigim me tre butona dhe madje edhe shumë aplikacione të zakonshme testimi Android. Ekziston gjithashtu një aplikacion “QC Test“, i cili tregon për praninë e një çipi Snapdragon.
Ne ende nuk e dimë se si do të duket software-i përfundimtar, por të sistemi Android në bord e lë derën e hapur për mundësi të pafundme. Sony thotë se Project Q do të vijë më vonë gjatë këtij viti.
