Kamera Go 2 e Insta360-s, që ka madhësinë e gishtit të madh, tashmë ka surprizuar përdoruesit me mundësitë e ndryshme të përdorimit, dhe tashmë pasardhësi i saj vjen me disa surpriza.
Insta360 Go 3 i ri vjen me një trup më të madh dhe më drejtkëndor “Action Pod” të ndashëm, duke i dhënë kështu pamjes së përgjithshme një ngjashmëri më të madhe me një kamerë të zakonshme. Jo vetëm që ky model i ri ofron një jetëgjatësi më të gjatë të baterisë, por trupi i Action Pod dyfishohet gjithashtu si një ekran me prekje 2.2 inç, që do të thotë se nuk do të keni nevojë të përdorni telefonin tuaj aq shpesh.
E gjithë paketa është në thelb një kamera aksion 2-në-1 dhe një ekran me komunikim wireless. Rezolucioni i videos është rritur nga 1440p në 2,7k (2,720 x 1,536), që do të thotë se do të përfitoni më shumë nga “FlowState”. Cilësia e audios është përmirësuar me shtimin e një mikrofoni të dytë. Kamera është gjithashtu e certifikuar si e papërshkueshme nga uji në thellësi deri në 5 metra në vend të vetëm 4, por kini parasysh se “Action Pod” është vetëm rezistent ndaj ujit, kështu që mos e zhytni atë pjesë nën ujë. Trupi i plotë i Insta360 Go 3 është montuar në një shkop selfie.
Jetëgjatësia e baterisë së vetë kamerës është zgjatur nga 30 minuta në 45 minuta (1080p@30fps) dhe kur të montohet në “Action Pod”, do të merrni deri në 170 minuta.
Go 3 tashmë vjen dhe në opsionin 128GB për të gjithë personat që dëshirojnë të regjistrojnë më tepër. Përveç veçorive të zakonshme hyperlapse “TimeShift” dhe slow motion (deri në 4x), Go 3 vjen me tre modalitete të reja video: pre-recording, loop recording dhe timed capture.
Pronarët e qenve mund të marrin në konsideratë gjithashtu blerjen e “Fetch Stick” për të marrë disa pamje nga afër të kafshëve të tyre shtëpiake. Insta360 Go 3 tani është në dispozicion me modelet 32 GB, 64 GB dhe 128 GB me çmime përkatësisht $379,99, $399,99 dhe $429,99.
