Google tashmë ka prezantuar një numër të madh ndryshimesh në versionin beta të sistemit operativ të ardhshëm të Android 14, dhe prodhues të tjerë u bashkuan. Mirëpo Samsung i është bashkuar kësaj lëvizje vetëm tani.
Sipas raportimeve të reja rreth kësaj çështje, kompania koreane po planifikon të prezantojë versionin e parë beta të One UI 6 (versioni i Samsung i bazuar në Android 14) në javën e tretë të korrikut.
Seria Samsung Galaxy S23 do të pajiset One UI 6 beta në fund të korrikut. Kjo do të ishte disa javë më herët se kur u shfaq versioni i parë beta i One UI 5 vitin e kaluar, gjë që mund të nënkuptojë që përdoruesit do të përfitojnë më herët Android 14, deri në prezantimin e versionit përfundimtar dhe të qëndrueshëm më vonë këtë vit.
Me sa duket Samsung po priste që versionet beta të Google të arrinin “stabilitetin e nevojshëm” në mënyrë që të fillonte zhvillimin e One UI 6. Ky moment i “stabilitetit të platformës” u arrit me Android 14 Beta 3, i cili u lëshua javën e kaluar. Samsung ka filluar tashmë përditësimin e aplikacioneve të saj me mbështetjen e One UI 6 disa javë më parë. One UI 6 beta do të vijë fillimisht në familjen Galaxy S23, por më pas do të përhapet gradualisht në pajisjet e tjera.
