Pasi “fiksoi” qindra miliona njerëz pas serialeve më të reja të publikuara, duket se hapi tjetër i Netflix është t’i “fiksojë” dhe pas ushqimit.
Kjo kompani ka vendosur që të hapë Netflix Bites këtë muaj, një “përvojë e re e ngrënies” në Los Angeles ku do të jenë të pranishëm shefat mjaft të njohur nga shows si “Chef’s Table” apo “Nailed It!”. Shefat shumë të njohur si Curtis Stone, Rodney Scott dhe Nadiya Hussain, do të bashkohen për të krijuar një menu të veçantë që Netflix thotë se do t’u japë “fansave të serialeve dhe ushqimit një përvojë të veçantë në restorant.
“Me Netflix Bites ne po krijojmë një përvojë personale ku fansat mund të provojnë ushqimet nga serialet e tyre të preferuara të ushqimit,” tha në një deklaratë zëvendëspresidenti i produkteve të Netflix, Josh Simon. Curtis Stone do të jetë ndër kuzhinierët që do të krijojnë menunë e shijimit për restorantin pop-up të Netflix.
Pjesëmarrrësit në konkursin “Drink Masters” të Netflix do të jenë përgjegjës për krijimin e koktejeve të personalizuara për menunë e pijeve. Ky restorant do të hapet më 30 qershor. Vizitorët që bëjnë një rezervim do të depozitojnë $25, të cilat do të llogariten në faturën e tyre përfundimtare,
Menuja e Netflix Bites nuk është publikuar ende, edhe pse rezervimet janë aktualisht të hapura. Megjithatë, një gjë është e qartë: mos prisni të shihni personalitetet tuaja të preferuara të Netflix në kuzhinë. “Sado e shijshme që kjo gjëdo të ishte, Netflix Bites është thjeshtë një mundësi për të shijuar pjatat unike të këtyre kuzhinierëve”, thuhet në FAQ. “Shefët e kuzhinës nuk do të jenë në vend për t’u takuar dhe përshëndetur me fansat.”
