Android 14 mund të tregojë nivelin e shëndetit të baterisë, mirëpo rezultatet mund të mos jenë të sakta

Android 14 ka qenë i pranishëm prej disa kohësh për t’u testuar në formën beta, megjithatë ne po mësojmë vazhdimisht shërbimet e reja të fshehura në të. Shërbimi më i ri në këtë version të Android duket se është kontrollimi i nivelit të shëndetit të baterisë në smartphone-in tuaj, një shërbim tepër i ngjashëm me atë që Apple ofron në iPhone prej disa kohësh.

I vetmi problem është se për të aksesuar këto të dhëna ju duhet të instaloni një aplikacion të palës së tretë me akses të veçantë në sistem për të lexuar statistikat e smartphone-it tuaj, dhe pse saktësia e këtyre statistikave nuk dihet ende.

I bought a used Pixel 7 Pro recently and thought it was a shame that Google’s battery health feature hasn’t been released.

It’d be nice to see how many charge cycles it’s had or the estimated % of its original capacity. Fortunately, Google’s made it possible in Android 14! ? pic.twitter.com/KXGtLwhJtU

— Mishaal Rahman (@MishaalRahman) June 1, 2023

API të reja përgjegjëse për tregimin e nivelit të battery health u zbuluan para pak kohësh nga Mishaal Rahman, që si fillim mendoheshin se mund të aksesohen vetëm nga aplikacionet e sistemit, por më vonë u zbulua se ajo mund të komunikonte dhe me aplikacionet e palëve të treta.

Për të lexuar statistikat nga aplikacionet e palëve të treta duhet aktivizimi i “lejeve të veçanta” përmes ADB, siç tregon Rahman në postimin e tij në Twitter.

Nëse ju e keni instaluar versionin beta të Android 14 në Pixel-in tuaj, ju mund të testoni këtë aplikacion duke shkarkuar “Batt” në Gitlab dhe duke ndjekur hapat e instalimit të përshkruara.