AI është profili kryesor i punës që do të jetë më i kërkuari përgjatë 5 viteve të ardhshme, sipas World Economic Forum Research. Shpërthimi i interesit në këtë fushë përgjatë muajve të fundit, falë dhe lançimit të ChatGPT apo Midjourney ka bërë që shumë njerëz të shqetësohen në lidhje me vendin e tyre të punës, pasi rrezikojnë të zëvndësohen nga teknologjia artificiale.
Ekonomistët dhe ekspertët po përpiqen të parashikojnë se cilat do të jenë punët më të rrezikuara nga AI, si dhe ato më të favorizuara nga krijimi i AI. The World Economic Forum prezantoi ditën e hënë një raport të quajtur Future of Work, ku detajon një renditje me këto punë.
Sigurisht që specialistët e AI dhe machine learning do të jenë më të kërkuarit gjatë viteve në vijim, të ndjekur më pas nga specialistët e qëndrueshëmrisë, analistët e inteligjencës së biznesit si dhe analistët e sigurisë së informacionit.
Nga ana tjetër, punonjësit e bankës, shërbimeve postare, apo data entry janë më të rrezikuarit nga zhvillimi i AI, pasi pritet që këto pozicione të shkurtohen shumë gjatë viteve në vijim. Më poshtë do të prezantojmë listat e plota.
Punët më të kërkuara në 5 vitet e ardhshme
- Specialistët e AI dhe machine learning
- Specialistët e qëndrueshmërisë
- Analistët e inteligjencës së biznesit
- Analistët e sigurisë së informacionit
- Inxhinierët e teknologjisë financiare
- Analistët e të dhënave dhe inxhinierët
- Inxhiniertët e robotikës
- Inxhinierët e teknologjisë elektronike
- Operatorët e pajisjeve agrikulturore
- Specialistët e transformimit dixhital
Punët më pak të kërkuara në 5 vitet e ardhshme
- Punonjësit e bankave
- Punonjësit e shërbimit postar
- Arkëtarët
- Punonjësit në data entry
- Sekretarët administrativë dhe ekzekutivë
- Punonjësit e regjistrimit të materialeve dhe vendosjes në stok
- Punonjësit e kontabilitetit
- Ligjvënësit
- Punonjësit e statistikës dhe financave
- Shitësit
