Gara për të ofruar shërbimet më të mira AI në motorin e kërkimit është shumë e fortë në këto momente. Që nga lançimi i versionit të ri të Bing me ChatGPT të integruar, Google ka pësuar një goditje të rëndë.
Situata e Google mund të përkeqësohet akoma dhe më tepër tashmë që Samsung po konsideron përdorimin e motorit të kërkimit Bing në smartphone-t dhe tabletët e kompanisë.
Google ka punësuar mbi 160 inxhinierë, dizenjues, ekzekutivë dhe anëtarë të tjerë të stafit që po punojnë në projektin “Magi” – një projekt që do të ofrojë një eksperiencë më të personalizuar në Google Search. Javën e kaluar punonjës të tjerë në kompani u ftuan që të testonin shërbimet e reja AI të projektit Magi, i cili me shumë mundësi do të prezantohet brenda muajit maj të këtij viti.
Kjo garë e menjëhershme për të lançuar sa më tepër shërbime AI po bëhet sepse Google ka nisur të negociojë me Microsoft për të përdorur Bing si motorin e përzgjedhur të kërkimit në pajisjet e kompanisë.
Raportimet e The New York Times flasin se Google beson që preferenca e Samsung për të përdorur shërbimet e Bing vjen për shkak të teknologjisë AI të integruar në këtë motor kërkimi. Prandaj Google po mundohet të prezantojë sa më shpejt shërbime të reja AI në Google Search në mënyrë që të mos humbasë mbështetjen e një kompanie tepër serioze si Samsung.
