Opera lajmëroi gjatë ditës së sotme se kishte shtuar shërbimin e VPN që ofrohet falas në këtë web browser për iPhone. Ky shërbim ka qenë i pranishëm më parë në Opera për Windows, Max, Linux dhe Android.
“Nuk ka rëndësi nëse ju jeni të lidhur me internetin në shtëpi apo në një rrjet publik, historia juaj e kërkimit është gjithmonë e aksesueshme. Hakerat mund të ndërhyjnë në të dhënat tuaja sensitive – duke përfshirë këtu passsëords, numrin e kartës së kreditit dhe detaje personale – ndërkohë që ju navigoni në një internet jo të sigurt në pajisjen tuaj. Madje dhe ofruesi i internetit që paguhet nga ju mund të monitorojë aktivitetin tuaj online, duke vënë në rrezik privatësinë tuaj.” shkruan Patric Curtin në një postim.
Që të gjitha këto mund të shmangen me përdorimin e një VPN. Opera e ofron këtë shërbim falas dhe ju siguron se e gjithë historia e kërkimit tuaj është enkriptuar dhe se adresa IP është gjithmonë private. Ky browser premton se nuk grumbullon të dhënat personale apo informacione të lidhura me historinë tuaj të kërkimit nëpërmjet VPN. Versioni falas në iPhone mbron të gjithë trafikun në internet të pajisjes (jo vetëm të kërkimit në Opera) dhe vjen pa një limit.
Ju mundet gjithashtu të abonoheni në VPN Pro për të mbrojtur të gjitha të dhënat tuaja në 6 pajisje të ndryshme, të fitoni akses në më tepër vendndodhje virtuale si dhe të përdorni sigurinë 2FA, për $3.99 në muaj.
Të gjithë përdoruesit e iPhone mjafton të klikojnë në këtë link për të shkarkuar Opera.
