Ka ardhur koha që ju të përgatisni disa dëshira, pasi me qindra meteor do të fluturojnë në qiell në vitin 2025, pasi të hidhen nga një satelit. Kjo do të jetë hera e parë që do të organizohet një shi artificial meteorësh nga startup-i ALE në Japoni.
Për projektin e emërtuar SKY CANVAS, copëzat që do të imitojnë meteorët do të instalohen në një satelit me lartësi 400 km dhe më pas do të lëshohen në një zonë të caktuar. Copëzat metalike do të kenë formën e sferave me diametër 1 cm dhe masë shumë të lehtë. Formula kimike sekrete e këtyre topave të vegjël metalikë do të bëjë që ato të ndriçojnë nga forca e fërkimit që do të gjenerohet nga shpejtësia e lartë e rënies 8 km/sekond.
ALE tregon se topat metalikë do të udhëtojnë më ngadalë dhe do të ndriçojnë për një kohë më të gjatë se meteorët e zakonshëm, deri në 10 sekonda secili, dhe do të mund të shikohen nga vëzhguesit e yjeve në një zonë prej 200 km. Ingredientët e përfshira do të bëjnë të mundur që të shfaqen drita të ndryshme nga topat metalikë, duke krijuar një shi shumëngjyrësh artificial meteorësh.
Ky show dritash, përveç se do të argëtojë shumë persona, do të shërbejë dhe për grumbullimin e informacioneve të reja në lidhje me shtresën e 3-të të atmosferës së Tokës, mezosferën. Ky është një rajon që nuk mund të studiohet lehtësisht, pasi balonat nuk mund të fluturojnë në një lartësi kaq të madhe.
